‘ಕೇಸರಿ ಭಯೋತ್ಪಾದನೆ’ ಎಂಬ ಪದವನ್ನು  ವೊದಲಬಾರಿಗೆ ನೀವು ಬಳಸಿದಾಗ ಎರಡು ದಿನಗಳ ಕಾಲ ರಾಜ್ಯಸಭೆ ಕೋಲಾಹಲದಲ್ಲಿ ಮುಳುಗಿ ಹೋಯಿತು. “ಭಯೋತ್ಪಾದನೆ ಯಾವುದೇ ಧರ್ಮ, ಕೋಮು ಸಂಪ್ರದಾಯ, ವಿಚಾರಧಾರೆ, ವರ್ಣಕ್ಕೆ ಸಂಬಂಧಿಸಿದ್ದಲ್ಲ. ಏನಿದ್ದರೂ ಭಯೋತ್ಪಾದಕರು ಮಾನವೀಯತೆಯ ಬದ್ಧ ವೈರಿಗಳು” ಎಂದು ಇದೇ ಸದನದಲ್ಲಿ  ಹಾಗೂ ಸದನದ ಹೊರಗೆ  ಹತ್ತು ಬಾರಿ ಹೇಳಿಕೆ ನೀಡಿದ್ದ ನೀವೇ ಇದೀಗ ‘ಕೇಸರಿ ಭಯೋತ್ಪಾದನೆ’ಯನ್ನು ಸಂಶೋಧಿಸಿದ್ದೀರಿ. ಇದಕ್ಕೊಂದು ವರ್ಣ, ವಿಚಾರಧಾರೆ ಹಾಗೂ ಧರ್ಮವನ್ನೂ ಜೋಡಿಸಿದ್ದೀರಿ. ಅಂದರೆ ನೀವೇ ಹೇಳಿದ ಮಾತಿಗೆ ಅಕ್ಷರಶಃ  ತದ್ವಿರುದ್ಧವಾಗಿ ನಡೆದುಕೊಂಡು ನೀವೂ ಇತರ ರಾಜಕಾರಣಿಗಳ ಹಾಗೆ ‘ಅವಕಾಶವಾದಿ ರಾಜಕೀಯ’ವನ್ನು  ಮಾಡಿದ್ದೀರಿ.
ಕಣ್ಣು ಮುಂದೆ ಕಾಣುವ ಜ್ವಲಂತ ಸವಾಲುಗಳನ್ನು ಕಡೆಗಣಿಸಿ ಯಾವುದೋ ಕಾಲ್ಪನಿಕ ‘ಭೀತಿವಾದ’ವನ್ನು  ಹುಟ್ಟುಹಾಕುವ ಸರಕಾರದ ನೀತಿ ಅದರ ದೇಶನಿಷ್ಠೆಯ ಮೇಲೆ ಪ್ರಶ್ನೆ ಮೂಡಿಸುತ್ತದೆ. ಕಳೆದ ಆರು ದಶಕಗಳಲ್ಲಿ  ಭಯೋತ್ಪಾದನೆಗೆ ಬಲಿಯಾದ ಒಟ್ಟು  ಜೀವಗಳು ೬೫ ಸಾವಿರಕ್ಕೂ ಅಧಿಕ ಎಂದು ಇದೇ ಕೇಂದ್ರ ಸರಕಾರ ಲೋಕಸಭೆಯಲ್ಲಿ ಹೇಳಿದೆ. ಆರು ದಶಕಗಳಿಂದಲೂ ರಾಷ್ಟ್ರವನ್ನು ಜರ್ಜರಿತ ಮಾಡುತ್ತಾ ರಕ್ತದ ಹೊಳೆಯನ್ನು  ಹರಿಸುತ್ತಿರುವ ಜಿಹಾದಿ ಭಯೋತ್ಪಾದನೆ ‘ಹಸಿರು ಭಯೋತ್ಪಾದನೆ’ಯಲ್ಲವೆ? ಇದರ ವಿಷಯ ಬಂದಾಗ ಮಾತ್ರ ಕೋಮು, ಧರ್ಮ, ಸಂಪ್ರದಾಯಗಳ ಸಂಬಂಧವಿರುವುದಿಲ್ಲ  ಎಂದರೆ ಇದೆಂತಹ ತರ್ಕ?
ಅಷ್ಟಕ್ಕೂ ಯಾವುದು ಕೇಸರಿ ಭಯೋತ್ಪಾದನೆ? ಅದು ಎಲ್ಲಿದೆ? ಯಾವ ಕೃತ್ಯಗಳನ್ನು ನಡೆಸಿದೆ? ಎಷ್ಟು  ಜನರನ್ನು ಬಲಿ ಪಡೆದಿದೆ? ಯಾವ ಸಂಘಟನೆ ಇದರ ಹೊಣೆ ಹೊತ್ತಿದೆ? ಎಂಬೆಲ್ಲ ಪ್ರಶ್ನೆಗಳಿಗೆ ಕೇಂದ್ರ ಸರಕಾರದ ಬಳಿಯೇ ಉತ್ತರವಿಲ್ಲ. ಯಾಕಿಲ್ಲ  ಅಂದರೆ ಚಿದು ಹೇಳುತ್ತಿರುವ ಭೀತಿವಾದದ ಪ್ರಕಾರ ಅಸ್ತಿತ್ವದಲ್ಲೇ ಇಲ್ಲ. ಇಲ್ಲದಿರುವ ಗುಮ್ಮನನ್ನು  ಸೃಷ್ಟಿಸಿ ಅದು ಅಲ್ಲಿದೆ, ಇಲ್ಲಿದೆ ಎಂದು ಕಪೋಲಕಲ್ಪಿತ ಹಾಗೂ ಸುಳ್ಳಿನ ಕಂತೆಯನ್ನು ಹೆಣೆಯುವ ಕೆಲಸ ‘ಕೇಸರಿ ಭೀತಿವಾದ’ದ ಹೆಸರಿನಲ್ಲಿ ನಡೆಯುತ್ತಿದೆ. ಚಿದಂಬರಂ ಅವರ ಹೇಳಿಕೆಯಿಂದ ಇದೀಗ ಸ್ವತಃ ಕಾಂಗ್ರೆಸ್ಸಿಗರೇ ತಬ್ಬಿಬ್ಬಾಗಿದ್ದಾರೆ.
‘ಕೇಸರಿ’ ಭಯೋತ್ಪಾದನೆ ಆಗಲು ಸಾಧ್ಯವೇ ಇಲ್ಲ. ಹಾಗೊಂದು ವೇಳೆ ಆದರೆ ರಾಷ್ಟ್ರವೇ ಭಯೋತ್ಪಾದಕನಾದಂತೆ ! ರಾಷ್ಟ್ರೀಯ ಚೇತನದ ಗುರುತಾಗಿರುವ ಕೇಸರಿಯನ್ನು ಭೀತಿವಾದಕ್ಕೆ ಹೋಲಿಸುವ ದಾಷ್ಟ್ಯ ನೈತಿಕ ಹಾಗೂ ಸಭ್ಯ ವಿಚಾರಗಳ ಸಮಾಧಿಯ ಮೇಲೆ ನಡೆದಿದೆ. ಮಾತ್ರವಲ್ಲ ಸಂಕೀರ್ಣ ಸ್ವಾರ್ಥಗಳಿಗಾಗಿ ದೇಶಹಿತ ಹಾಗೂ ರಾಷ್ಟ್ರೀಯ ಸಭ್ಯತೆಗಳೊಂದಿಗೆ ನಡೆದ ಕ್ರೂರಚೇಷ್ಟೆ  ಇದಾಗಿದೆ. ಅಹಿತ ರಾಜಕಾರಣ, ಸಂಕೀರ್ಣ ಸಂಪ್ರದಾಯಿಕತೆ, ತುಷ್ಟೀಕರಣದ ಪರಮಾವಧಿಯ ಫಲವಾಗಿ ಇಂದು ರಾಷ್ಟ್ರರಕ್ಷಕರಿಗೆ, ಅಪ್ಪಟ ದೇಶಭಕ್ತರಿಗೆ ಭಯೋತ್ಪಾದಕರ ಪಟ್ಟ  ಕಟ್ಟುವ ಅಸಹನೀಯ ಅವಮಾನದ ಕೃತ್ಯ ನಡೆಯುತ್ತಿದ್ದು, ರಾಷ್ಟ್ರನಿಷ್ಠರನ್ನೆಲ್ಲಾ ಚಿಂತೆಗೀಡು ಮಾಡಿದೆ. ಆದರೆ ಈ ದುರಂಹಕಾರಿ ಯತ್ನ  ‘ವಿನಾಶಕಾಲೇ ವಿಪರೀತ ಬುದ್ಧಿಯ’ ಸ್ಪಷ್ಟ  ಸಂಕೇತ.
‘ಭಗ್ವಾ’ ವರ್ಣ ಭರತದ ವರ್ಣ. ಸನಾತನ ಕಾಲದಿಂದಲೂ ಈ ರಾಷ್ಟ್ರದೊಂದಿಗೆ ಬೆಸೆದುಕೊಂಡಿರುವ ಸ್ಫೂರ್ತಿಯ ವರ್ಣ. ಜಗದಲ್ಲಿ ಭರತವನ್ನು ಗುರುತಿಸುವುದು ಇದೇ ಕೇಸರಿ ವರ್ಣದಿಂದ. ತ್ಯಾಗ, ತಪಸ್ಸು, ಬಲಿದಾನ ಹಾಗೂ ಶೌರ್ಯದ ಪ್ರತೀಕ ಕೇಸರಿ. ನಮ್ಮ  ಸಂವಿಧಾನದಲ್ಲೇ ಕೇಸರಿ ವರ್ಣಕ್ಕೆ ಈ ವ್ಯಾಖ್ಯಾನ ನೀಡಲಾಗಿದೆ. ಸನಾತನ ಸಂಸ್ಕೃತಿಯ ಪ್ರತೀಕವೆಂದೆ  ಹಿರಿಯರು ಕೇಸರಿಗೆ ನಮ್ಮ ರಾಷ್ಟ್ರೀಯ ಧ್ವಜ ತಿರಂಗಾದಲ್ಲಿ ಸ್ಥಾನ ನೀಡಿದ್ದಾರೆ. ಗಗನದ ವರ್ಣ ನೀಲಿ, ಪ್ರಕೃತಿಯ ವರ್ಣ ಹಸಿರು ಎಂದು ಹೇಗೆ ನಂಬಲಾಗಿದೆಯೋ ಹಾಗೆ ಭರತೀಯ ಮೂಲಚೇತನ ಹಾಗೂ ಆತ್ಮದ ವರ್ಣ ‘ಭಗ್ವಾ’ ಆಗಿದೆ. ಋಷಿಮುನಿಗಳು ಹಾಗೂ ಸಂನ್ಯಾಸಿಗಳು ಅಧ್ಯಾತ್ಮಕ್ಕೆ ಹಾಗೂ ಪರಹಿತಕ್ಕಾಗಿ ಮಾಡಿದ ತಮ್ಮ ಬಲಿದಾನದ ಪರಂಪರೆಯನ್ನು ಅಭಿವ್ಯಕ್ತಗೊಳಿಸಿದ್ದು ಸಹ ಇದೇ ಕೇಸರಿ ವರ್ಣದಿಂದ. ಹಿಂದುಗಳಿಗೆ ಮಾತ್ರವಲ್ಲ  ಸಿಕ್ಖರಿಗೂ ಕೇಸರಿ ಪಾವಿತ್ರ್ಯದ, ಪೂಜ್ಯತೆಯ ಸಂಕೇತ. ಗುರು ಗೋವಿಂದ್ ಸಿಂಗ್‌ರ ಪತಾಕೆಯ ವರ್ಣವೂ ಕೇಸರಿಯೇ ಆಗಿತ್ತು. ಇತ್ತೀಚೆಗಷ್ಟೆ  ಪ್ರಧಾನಿ ಡಾ.ಮನಮೋಹನ್ ಸಿಂಗ್ ಅಮೃತಸರ್‌ಕ್ಕೆ ಭೇಟಿ ನೀಡಿದ್ದಾಗ ಇಡೀ ನಗರವನ್ನು ಹಾಗೂ ಶ್ರೀಹರಮಂದಿರ್ ಸಾಹೀಬ್‌ನ್ನು  ಭಗ್ವಾ ವರ್ಣದಿಂದ ಅಲಂಕರಿಸಲಾಗಿತ್ತು. ಅಂದು ಅಲ್ಲಿನ ಪತ್ರಿಕೆಗಳೆಲ್ಲ ‘ಅಮೃತಸರ್ ಕೇಸರಿಮಯ’ ಎಂಬ ಶೀರ್ಷಿಕೆಯನ್ನು ನೀಡಿದ್ದವು. ಹಾಗಾದರೆ ಚಿದು ಅವರು ಪ್ರಧಾನಿ ಸ್ವಾಗತಕ್ಕೆ ಭಯೋತ್ಪಾದನೆಯ ವರ್ಣ ಬಳಸಿಕೊಳ್ಳಲಾಯಿತು ಎಂದು ಹೇಳುವರೆ? ಅಥವಾ ನಮ್ಮ  ತಿರಂಗಾದಲ್ಲಿ ಕೇಸರಿ ವರ್ಣವೂ ಭಯೋತ್ಪಾದನೆಯನ್ನು ಬಿಂಬಿಸುತ್ತದೆ ಎಂದು ಹೇಳುವರೆ? ಇದ್ಯಾವುದಕ್ಕೂ ಇವರ ಬಳಿ ಉತ್ತರವಿಲ್ಲ. ಏಕೆಂದರೆ ಸುಳ್ಳನ್ನು ಅದೆಷ್ಟೇ ಸಮರ್ಥಿಸಿಕೊಂಡರೂ ಅದು ಸತ್ಯವಾಗಿ ಮಾರ್ಪಡುವುದಿಲ್ಲ. ಈ ಸಂಗತಿ ಚಿದು ಅವರಿಗೂ ಚೆನ್ನಾಗಿ ಗೊತ್ತು. ಆದರೂ ಶಾಂತಿಪ್ರಿಯ ಹಿಂದುಗಳ ಮೇಲೆ ‘ಸ್ಯಾಫ್ರಾನ್ mರರಿಜಂ’ನ ಹಣೆಪಟ್ಟಿ  ತಾಗಿಸಿದ್ದು  ಏಕೆ?
ನಮ್ಮಲ್ಲಿ ಎಲ್ಲ  ನಿರ್ಧಾರಗಳು, ಸರಕಾರದ ವೈಖರಿಗಳು ದಿಲ್ಲಿಯಲ್ಲಿನ ‘೧೦ ಜನಪಥ’ ಎಂಬ ಕಾಂಗ್ರೆಸ್‌ನ ಗರ್ಭಗುಡಿಯಲ್ಲಿ ಅಂತಿಮಗೊಳ್ಳುತ್ತವೆ. ಸರಕಾರದಲ್ಲಿ ಇರುವ ಎಲ್ಲರಿಗೂ ಈ  ಗರ್ಭಗುಡಿಯಲ್ಲಿನ  ಇmಲಿಯನ್ ಅಮ್ಮನನ್ನು ಒಲಿಸುವುದೆ  ಕೆಲಸ. ಅದರಲ್ಲೇ ಅವರ ಸಾರ್ಥಕತೆ! ಇದಕ್ಕೆ ಚಿದಂಬರಂ ಸಹ ಹೊರತಲ್ಲ. ಇmಲಿಯನಮ್ಮಗೆ ಬಹುಪರಾಕ್ ಹಾಕುವುದರಲ್ಲಿ  ತಾವು ಮುಂದೆ ಇರಬೇಕು ಅಂದುಕೊಂಡ ಸನ್ಮಾನ್ಯ ಗೃಹ ಸಚಿವರು ಈ ದೇಶದ ಭೂಮಿಪುತ್ರರಿಗೆ ಭಯೋತ್ಪಾದಕ ಪಟ್ಟ ನೀಡಿದ್ದಾರೆ. ಇನ್ನು ಮುಂದುವರಿದು ಸೋನಿಯಾ ಆಣತಿಯಂತೆ ತಿರಂಗಾದಲ್ಲಿನ ಕೇಸರಿ ವರ್ಣವನ್ನು ತೆಗೆದು ಹಾಕಲು ಸಂವಿಧಾನದಲ್ಲಿ ಮಾರ್ಪಾಡು ತಂದರೂ ಆಶ್ಚರ್ಯಪಡಬೇಕಿಲ್ಲ. ಏಕೆಂದರೆ ವಂಶಪಾರ್ಯಂಪರ್ಯದ ಈ ಪಕ್ಷದಲ್ಲಿ ಸ್ವಾಭಿಮಾನ, ಆತ್ಮಗೌರವ, ಸ್ವಪ್ರತಿಷ್ಠೆಗಳಿಗೆ ಮಾನ್ಯತೆಯೂ ಇಲ್ಲ. ಅಲ್ಲಿರುವ ನಾಯಕರಿಗೆ ಅದರ ಬಗ್ಗೆ  ಎಳ್ಳಷ್ಟೂ  ಚಿಂತೆಯೂ ಇಲ್ಲ. ಇದ್ದಿದ್ದರೆ ಕೇಸರಿ ಭಯೋತ್ಪಾದನೆ ಎಂಬ ಪದ ಬಳಸುವ ದಾಷ್ಟ್ಯವನ್ನು ನಮ್ಮ ಗೃಹ ಸಚಿವರು ಮಾಡುತ್ತಿರಲಿಲ್ಲ. ಇಟಲಿಯಮ್ಮನಿಗೆ ಬಿಡಿ ಈ ದೇಶದ ಸಂಸ್ಕೃತಿ, ಸಭ್ಯತೆ, ಶಿಷ್ಟಾಚಾರ, ರೀತಿರಿವಾಜು, ಅಧ್ಯಾತ್ಮ ಮೌಲ್ಯಗಳು ಯಾವುದು ಗೊತ್ತಿಲ್ಲ. ಇದೆಲ್ಲ ಅರ್ಥಮಾಡಿಕೊಳ್ಳುವುದು ಯಾರೋ ಬರೆದುಕೊಟ್ಟ  ಭಷಣವನ್ನು ಓದಿದಷ್ಟು  ಸುಲಭವೂ ಅಲ್ಲ. ಆದರೆ ನಿಮಗೇನಾಗಿತ್ತು ಚಿದು ಅವರೆ? ನೀವು ಈ ದೇಶದ ಗಾಳಿ, ನೀರು ಸೇವಿಸಿ ಬದುಕಿದವರು. ಇಲ್ಲೇ ಹುಟ್ಟಿದವರು. ಇಂತಹ ಹೇಳಿಕೆ ನೀಡುವಾಗ ಬುದ್ಧಿಗೆ ಗ್ರಹಣ ಬಡಿದಿತ್ತೆ? ಗ್ರಹಣ ಮೋಕ್ಷದ ನಂತರವಾದರೂ ಈ ದೇಶದ ಕ್ಷಮೆ ಕೇಳಬಹುದಿತ್ತಲ್ವೆ? ಆದರೆ ನಿಮ್ಮಂಥ ನಾಯಕರಿಗೂ ‘೧೦ ಜನಪಥ’ನ ಹಿತವೇ ಮುಖ್ಯವಾಯಿತಲ್ಲವೆ? ಇರಲಿ.
ಭರತ ಸ್ವಾತಂತ್ರ್ಯ ಬಂದ ಮೇಲಷ್ಟೆ  ಅಲ್ಲ ಹಿಂದಿನಿಂದಲೂ ಇಸ್ಲಾಂ ದಾಳಿಕೋರರ ಬರ್ಬರ ಕೃತ್ಯಗಳಿಗೆ ಗುರಿಯಾಗಿದೆ. ಆಗಲೂ ನಮ್ಮಲ್ಲಿ  ಕೇಸರಿ ಭಯೋತ್ಪಾದನೆ ಹುಟ್ಟಿಕೊಳ್ಳಲಿಲ್ಲ. ಮಹ್ಮದ್ ಘಜ್ನಿ ಈ ನಾಡಿನ ಮೇಲೆ ೧೭ ಬಾರಿ ದಾಳಿ ಮಾಡಿ ಇಲ್ಲಿನ ಶ್ರದ್ಧಾಸ್ಥಾನಗಳನ್ನು ಉರುಳಿಸಿದರೂ ಹಿಂದು ಉಗ್ರ ತಲೆ ಎತ್ತಲಿಲ್ಲ. ಘಜ್ನಿಯಂತಹ ಮತಾಂಧರಿಗೆ ಈ ದೇಶ ತನ್ನ ಆತ್ಮಬಲದ ಮೇಲೆಯೇ ಸೋಲಿನ ರುಚಿ ಉಣಿಸಿತ್ತು. ಈ ದೇಶದ ಬಹುಸಂಖ್ಯಾತ ಹಿಂದುಗಳು ಶಾಂತಿಪ್ರಿಯರು, ದೇಶನಿಷ್ಠರು ಆಗಿದ್ದರಿಂದಲೇ ಇಲ್ಲಿ ಮುಸಲ್ಮಾನ, ಕ್ರೈಸ್ತ, ಬೌದ್ಧ, ಜೈನ, ಪಾರ್ಸಿ ಸೇರಿದಂತೆ ಎಲ್ಲ  ಧರ್ಮಿಯರೂ ನೆಮ್ಮದಿಯಿಂದ ಬಾಳಲು ಆಗುತ್ತಿರುವುದು. ಹಿಂದುಗಳು ಶಾಂತಿಯ ಆರಾಧಕರಾಗಿದ್ದರಿಂದಲೇ ‘ನಿಮ್ಮ ನಾಯಕರಿಗೆಲ್ಲ ‘ಭರತ ವಿವಿಧ ಧರ್ಮಗಳ ನಾಡು, ಸಾಮರಸ್ಯದ ಬೀಡು’ ಎಂದು ಭಷಣ ಮಾಡಲು ಆಗುತ್ತಿರುವುದು. ಆದರೆ ಹಿಂದುಗಳ ಸಹನೆ ದೌರ್ಬಲ್ಯವಲ್ಲ. ಹಿಂದುಗಳ ಶಾಂತಿಪ್ರಿಯತೆ ಹಿಂಸೆಯನ್ನು ಸಹಿಸಿಕೊಳ್ಳುವ ಅಸಹಾಯಕ ಗುಣವಲ್ಲ. ದೇಶ ಆಪತ್ತಿನಲ್ಲಿದ್ದಾಗ ಅದರ ರಕ್ಷಣೆಗೆ ಎದ್ದು ನಿಲ್ಲುವುದು, ಕೈಯಲ್ಲಿ  ಶಸ್ತ್ರ  ಹಿಡಿಯುವುದು ಈ ದೇಶದ ಶೌರತ್ವ ಹಾಗೂ ರಾಷ್ಟ್ರಾಭಿಮಾನದ ಪ್ರತೀಕ. ಆದರೆ ನೀವು ಇದನ್ನೇ ಭಯೋತ್ಪಾದನೆ ಎನ್ನುವುದಾರೆ ಇದಕ್ಕಿಂತ ಮೂರ್ಖತನ ಮತ್ತೊಂದು ಇರಲಿಕ್ಕಿಲ್ಲ.
ಭರತ ಮಾತ್ರವಲ್ಲ ಇಸ್ಲಾಂ ರಾಷ್ಟ್ರಗಳಾದ ಪಾಕಿಸ್ಥಾನ, ಅಫ್ಘಾನಿಸ್ಥಾನಕ್ಕೂ ಬೇತಾಳನಂತೆ ಕಾಡುತ್ತಿರುವುದು ಇಸ್ಲಾಮಿಕ್ ಭಯೋತ್ಪಾದನೆ ಅಲ್ಲವೆ?  ಇತ್ತೀಚೆಗೆ ಪಾಕಿಸ್ಥಾನದ ಗುಪ್ತಚರ ಸಂಸ್ಥೆ ಐಎಸ್‌ಐ ತನ್ನ ರಾಷ್ಟ್ರದ ಶತ್ರುಗಳ ಪಟ್ಟಿಯಲ್ಲಿ ವೊದಲ ಸ್ಥಾನವನ್ನು ಇಸ್ಲಾಂ ಭಯೋತ್ಪಾದಕರಿಗೆ ನೀಡಿದೆ. ಈ ಬಗೆಯ ಭಯೋತ್ಪಾದನೆಯಿಂದ ರಾಷ್ಟ್ರಕ್ಕೆ ಕಂಟಕವಿದೆ ಎಂದು ಅವಲತ್ತುಕೊಂಡಿದೆ. ಅಮೆರಿಕದಿಂದ ಬಂದ ಹಣದಲ್ಲಿ ಬಂದೂಕು ಖರೀದಿಸಿ ತಾಲಿಬಾನಿಗಳ ಕೋmಗೆ ನುಗ್ಗಿದೆ.
ಪಾಕ್, ಅಫ್ಘಾನ್‌ನಂತಹ ಇಸ್ಲಾಂ ರಾಷ್ಟ್ರಗಳೇ ತಮ್ಮ  ಶತ್ರು ಇಸ್ಲಾಮಿಕ್ ಭಯೋತ್ಪಾದನೆಯೆಂದು ಒಪ್ಪಿಕೊಂಡಿರುವಾಗ ಈ ದೇಶವಂತೂ ತನ್ನ ೬೫ ಸಾವಿರ ಬಂಧುಗಳನ್ನು ಜಿಹಾದಿಗಳಿಂದ ಕಳೆದುಕೊಂಡಿದೆಯಲ್ಲ. ಲಕ್ಷಾಂತರ ಜನರು ಶಾಶ್ವತ ಅಂಗವಿಕಲರಾಗಿದ್ದಾರಲ್ಲ. ಅಂದಮೇಲೆ ಭರತದ ನಂ.೧ ಶತ್ರು ಇಸ್ಲಾಮಿಕ್ ಭಯೋತ್ಪಾದನೆಯೇ ಅಲ್ಲವೇ? ಇದರ ಮೂಲೋತ್ಪಾಟನೆಗೆ mಂಕ ಕಟ್ಟಿ ನಿಂತು ಸಂಸತ್ತಿನ ಎದುರು ಅಫ್ಜಲ್‌ಗೆ, ಛತ್ರಪತಿ ಶಿವಾಜಿ ಟರ್ಮಿನಲ್ ಎದುರಿಗೆ ಕಸಬ್‌ಗೆ ಬಹಿರಂಗವಾಗಿ ಗಲ್ಲಿಗೇರಿಸಿದ್ದರೆ ಚಿದು ಅವರೆ ನಿಮಗೆ ಹಾಗೂ ನಿಮ್ಮ ಸರಕಾರಕ್ಕೆ ಈ ದೇಶ ಇತಿಹಾಸದುದ್ದಕ್ಕೂ ಕೃತಜ್ಞತೆಯಿಂದ ನೆನೆಯುತ್ತಿತ್ತು. ಏನೇ ಇರಲಿ, ಅಲ್ಪಸಂಖ್ಯಾತರ ಮತಗಳಿಸಿಕೊಂಡು ಕುರ್ಚಿ ಉಳಿಸಿಕೊಳ್ಳಬೇಕೆಂಬ ಧಾವಂತದಲ್ಲಿ ಮಾಡುತ್ತಿರುವ ಈ ತುಷ್ಟೀಕರಣ ಮುಂದೆ ಸ್ವತಃ ಕಾಂಗ್ರೆಸ್‌ನ ಕೊರಳಿಗೆ ಉರುಳಾಗಬಹುದು. ಏಕೆಂದರೆ ಕಾಂಗ್ರೆಸ್ ಈ ರಾಷ್ಟ್ರದ ಮುಸಲ್ಮಾನರನ್ನು ವ್ಯಕ್ತಿಯಾಗಿ ನೋಡುತ್ತಿಲ್ಲ. ಕಡೆ ಪಕ್ಷ ಮುಸಲ್ಮಾನನಾಗಿಯೂ ಕಾಣುತ್ತಿಲ್ಲ. ಮುಸ್ಲಿಂ ಅಂದರೆ ಬರಿ ವೋm ಬ್ಯಾಂಕ್ ಎಂದು ತಿಳಿದು ಅವಿವೇಕತನದಿಂದ ವರ್ತಿಸುತ್ತಿರುವುದನ್ನು ನೋಡಿದಾಗ ಪಾಪದ ಕೊಡ ತುಂಬಿದೆ ಎಂದೆನಿಸುತ್ತದೆ.
ಅದಕ್ಕೆ ಪಕ್ಷದ ಶವಯಾತ್ರೆ ಹೊರಡುವ ಮುನ್ನವಾದರೂ ಪ್ರಾಯಶ್ಚಿತ್ತ ರೂಪದಲ್ಲಿ ಈ ದೇಶಕ್ಕಿಷ್ಟು  ಗೌರವ, ನಮನ ಸಲ್ಲಿಸಿ ಭರತದ ಹೆಗ್ಗುರುತಾಗಿರುವ ಕೇಸರಿಗೆ ಒಂದು ಬಾರಿಯಾದರೂ ಸಲಾಂ ಹೇಳಿ ಕೃತಾರ್ಥರಾಗಿ…

ಒಂದೆಡೆ ಸಾಧನೆಯ ಸಂಭ್ರಮ ಕಂಡರೆ ಇನ್ನು ಕೆಲವರಿಗೆ ಆರೋಪ ಮಾಡುವ ಖಯಾಲಿ. ’ಸುಖಾಸುಮ್ಮನೆ ಸಾರ್ವಜನಿಕ ಹಣದ ೩೮೦ ಕೋಟಿ ರೂ.ಗಳನ್ನು ಈ ಯೋಜನೆಗಾಗಿ ಖರ್ಚು ಮಾಡಿ ಚಂದ್ರನನ್ನು ಸುತ್ತಲು ಉಪಗ್ರಹ ಉಡಾಯಿಸಲಾಯಿತು. ಉಪಗ್ರಹಕ್ಕೆ ವಿಮೆ ಮಾಡಿಸಿರಲಿಲ್ಲ, ಅಲ್ಲಿ ಹೀಲಿಯಂ ಇಂಧನ ಸಿಗುವುದಾದರೂ ಅದನ್ನು ಭೂಮಿಗೆ ತರುವುದು ಸಾಧ್ಯವಿಲ್ಲ’ ಎಂಬಂತಹ ಅಪಸ್ವರಗಳೂ ಕೆಲವೆಡೆ ಕೇಳಿಬಂತು. ಚಂದ್ರಯಾನ ಕೇವಲ ಷೋಕಿಗಾಗಿ ಅಂದುಕೊಂಡವರೂ ಇದ್ದಾರೆ.

ಆದರೆ ಚಂದ್ರಯಾನದ ಮೂಲಕ ಪಡೆಯುವ ಮಾಹಿತಿ ಅಗಾಧವಾದುದು ಎಂಬುದನ್ನು ಅಂತಹವರು ಅರ್ಥ ಮಾಡಿಕೊಳ್ಳಬೇಕು. ಮುಂದಿನ ದಿನಗಳಲ್ಲಿ ಚಂದ್ರನ ಕುರಿತಾದ ಸಂಶೋಧನೆಯ ದಿಕ್ಕನ್ನೇ ಈ ಯಾನ ಬದಲಿಸಲಿದೆ. ಅಲ್ಲಿಂದ ಇಂಧನ ತರುವುದು ಈಗ ಸಾಧ್ಯವಾಗದಿರಬಹುದು. ಈಗ ದೂರದರ್ಶನ, ಮೊಬೈಲುಗಳಲ್ಲಾದ ಕ್ರಾಂತಿಗಳಿಗೆ ಅಂದು ಕಳುಹಿಸಿದ ಉಪಗ್ರಹಗಳು ಕಾರಣವಾಗಲಿವೆ ಎಂದು ಆ ಕಾಲದಲ್ಲಿ ಉಪಗ್ರಹಗಳ ಅಗತ್ಯವಿಲ್ಲವೆಂದು ಜರಿಯುತ್ತಿದ್ದವರಿಗೆ ತಿಳಿದಿರಲಿಲ್ಲ. ಹಾಗೆ ನೋಡಿದರೆ ನಮ್ಮ ದೇಶ ವಿವಿಧ ಕ್ಷೇತ್ರಗಳಲ್ಲಿ ಮಾಡುವ ವೆಚ್ಚಕ್ಕೆ ಹೋಲಿಸಿದರೆ ೩೮೦ ಕೋಟಿ ಏನೇನೂ ಅಲ್ಲ. ಅಷ್ಟು ಕಡಿಮೆ ಖರ್ಚಿನಲ್ಲಿ ಚಂದ್ರನನ್ನು ತಲಪಿದ ಮೊದಲ ದೇಶವೇ ಭಾರತ. ಅದಕ್ಕಿಂತಲೂ ಹೆಚ್ಚು ಹಣವನ್ನು ಭ್ರಷ್ಟಾಚಾರದ ಮೂಲಕವೇ ನುಂಗಿ ಹಾಕುವ ರಾಜಕಾರಿಣಿಗಳೂ ನಮ್ಮಲ್ಲಿದ್ದಾರೆ.

ಈ ಉಡಾವಣೆಗೆ ವಿಮೆ ಏಕೆ ಮಾಡಲಿಲ್ಲವೆಂಬುದನ್ನು ಇಸ್ರೋದ ವಕ್ತಾರರೇ ಹೇಳಿದ್ದಾರೆ. ವಿಮೆ ಮಾಡಿಸಿದ್ದರೆ ಭಾರತ ಸರ್ಕಾರದ ಅಂಗ ಸಂಸ್ಥೆಗಳೇ ಅದರ ಹೊಣೆಯನ್ನು ವಹಿಸಿಕೊಳ್ಳಬೇಕಿತ್ತು ಮತ್ತು ಈ ಯೋಜನೆ ವಿಫಲವಾದಲ್ಲಿ, ವಿಮೆಯ ಹಣವನ್ನು ಭಾರತ ಸರ್ಕಾರವೇ ಕೊಡಬೇಕಾಗುತ್ತಿತ್ತು, ಹೀಗಾಗಿ ವಿಮೆ ಮಾಡಿಸುವುದರಿಂದ ಏನೂ ಪ್ರಯೋಜನವಿರುತ್ತಿರಲಿಲ್ಲ ಎಂದು.

ಭೂಮಿಯಿಂದ ಸುಮಾರು ೩೮೪,೪೦೩ ಕಿಲೋಮೀಟರ್‌ಗಳಷ್ಟು ದೂರದಲ್ಲಿರುವ ಅದರ ಏಕೈಕ ನೈಸರ್ಗಿಕ ಉಪಗ್ರಹವಾದ ಚಂದ್ರನ ಬಗ್ಗೆ ಮನುಷ್ಯನಿಗೆ ಬಹಳ ಕಾಲದಿಂದಲೂ ಇರುವ ಕುತೂಹಲ, ಆಕರ್ಷಣೆ ಸಹಜವಾದದ್ದೆ. ಇದನ್ನು

ನಾವು ಸಾಹಿತ್ಯದಲ್ಲೂ ವೈಜ್ಞಾನಿಕ ಚಿಂತನೆಗಳಲ್ಲೂ ವಿಪುಲವಾಗಿ ಕಾಣುತ್ತೇವೆ. ಆಧುನಿಕ ಖಗೋಳ ವಿಜ್ಞಾನದಲ್ಲಿ ವಿವಿಧ ದೇಶಗಳು ನಡೆಸಿದ ಸಂಶೋಧನೆಗಳ ಫಲವಾಗಿ ಇಂದು ಅನೇಕ ಗ್ರಹಗಳ ತನಕ ನಮ್ಮ ಅರಿವು ವಿಸ್ತರಿಸಿದೆ.

ವಿಜ್ಞಾನ ಮತ್ತು ತಂತ್ರಜ್ಞಾನ ಯಾವುದೇ ದೇಶ ಮುಂದುವರಿದಿರುವುದರ ದ್ಯೋತಕ ಇಂತಹ ಸಾಧನೆಗಳೇ. ಬಾಹ್ಯಾಕಾಶದ ಸಾಧಗಳು ಪರಿಣಾಮ ಬೀರುವ ಕ್ಷೇತ್ರಗಳ ವ್ಯಾಪ್ತಿ ಬಹಳ ದೊಡ್ಡದಿದೆ. ಇಸ್ರೋದ ಟಲಿ ಮೆಡಿಸಿನ್‌ ವ್ಯವಸ್ಥೆಯು ದೂರದೂರದ ಕುಗ್ರಾಮಗಳನ್ನು ಉತ್ತಮ ಆಸ್ಪತ್ರೆಗಳಿಗೆ ನೇರ ಸಂಪರ್ಕಿಸುವಲ್ಲಿ ಸಹಕರಿಸುತ್ತಿದೆ. ಬೆಂಗಳೂರಿನ ನಾರಾಯಣ ಹೃದಯಾಲಯ ಹಾಗೂ ಮಣಿಪಾಲ ಆಸ್ಪತ್ರೆ,ಮತ್ತು ಕೊಚ್ಚಿಯ ಅಮೃತ ವೈದ್ಯಕೀಯ ಸಂಸ್ಥೆ ಈ ವ್ಯವಸ್ಥೆಯ ಪ್ರಯೋಜನವನ್ನು ಪಡೆದುಕೊಳ್ಳುತ್ತಿವೆ. ಗುಜರಾತದ ಭುಜ್ ಭೂಕಂಪದ, ಇತ್ತೀಚಿನ ಕುಂಭಮೇಳದ ಸಂದರ್ಭಗಳಲ್ಲಿ ಇದರ ಪ್ರಯೋಜನ ಪಡೆಯಲಾಗಿದೆ. ಇದಕ್ಕಾಗಿ ಇಸ್ರೋ ತನ್ನ ವಾರ್ಷಿಕ ಬಜೆಟ್ಟಿನ ಹೊರತಾಗಿ ಹಣ ಹೂಡಿದೆ. ಇದು ಸಾಧ್ಯವಾದದ್ದು ಹೇಗೆ? ಇಂದು ನಮ್ಮದೇ ಕೃತಕ ಉಪಗ್ರಹಗಳು ಭೂಮಿಯ ಸುತ್ತ ತಿರುಗುತ್ತಿರುವುದರಿಂದಲೇ ಅಲ್ಲವೆ?

ಮುಂಚಿನ ದಿನಗಳಲ್ಲಿ ಯಾವುದಾದರೂ ದೇಶ ತನ್ನದೊಂದು ಉಪಗ್ರಹವನ್ನು ಅಂತರಿಕ್ಷಕ್ಕೆ ಹಾರಿಬಿಡಲು ಯೋಚಿಸಿದರೆ, ಅದಕ್ಕಿದ್ದ ಆಯ್ಕೆ ಕೇವಲ ಅಮೆರಿಕ, ಐರೋಪ್ಯ ಅಂತರಿಕ್ಷ ಸಂಸ್ಥೆ, ರಷ್ಯಾ, ಅಥವಾ ಜಪಾನ್. ಈ ದೇಶಗಳ

ಸಾಲಿಗೆ ಭಾರತವೂ ಸೇರಿ, ಅತ್ಯಂತ ಕಡಿಮೆ ವೆಚ್ಚದಲ್ಲಿ ಸಮರ್ಥವಾಗಿ ಈ ಕೆಲಸವನ್ನು ಮಾಡಿಕೊಡುವುದು ಸಾಧ್ಯವಾಗಿದ್ದರೆ ಅದು ಇಲ್ಲಿಯವೆರಗಿನ ಇಸ್ರೋದ ಪರಿಶ್ರಮದ ಫಲ.

’ಚಂದ್ರಯಾನ’ದಲ್ಲಿ ಈ ಉಪಗ್ರಹ ಭೂಮಿಯನ್ನು ಕ್ರಮೇಣ ಉದ್ದವಾಗುವ ಎರಡು ಕಕ್ಷೆಗಳಲ್ಲಿ ಪ್ರದಕ್ಷಿಣೆ ಮಾಡಿ ನಂತರ ಚಂದ್ರನಿಗೆ ಹತ್ತಿರವಾಗುತ್ತದೆ. ಈ ಯಾನದಲ್ಲಿ ಉಪಗ್ರಹವನ್ನು ನಿಖರವಾದ ಪಥದಲ್ಲಿ ಹೋಗುವಂತೆ ನಿರ್ದೇಶಿಸುವುದು ಕಠಿಣ. ಇಂತಹ ಹತೋಟಿಯನ್ನು ’ರಿಮೋಟ್’ ಆಗಿದ್ದು ಮಾಡುವುದೂ ಒಂದು ಸಾಧನೆಯೇ. ಅದಕ್ಕಾಗಿಯೇ ಇಸ್ರೋ ಅಧ್ಯಕ್ಷ ಮಾಧವನ್ ನಾಯರ್ ಹೇಳುತ್ತಾರೆ ’ನಮಗರಿವಿಲ್ಲದ ಸಮುದ್ರಕ್ಕೆ ನಾವು ಜಿಗಿದಿದ್ದೇವೆ. ಅಲ್ಲಿನ ಒಂದೊಂದು ಸಂಗತಿಯೂ ಹೊಸದು. ಆ ಮೂಲಕ ನಾವು ಹೊಸ ಪಾಠವನ್ನು ಕಲಿಯುವರಿದ್ದೇವೆ.’ ಈ ಮಟ್ಟಿನ ಸಾಧನೆಗೈದಿರುವುದಕ್ಕೆ ಸಮಾಧಾನವಿರಲಿ.

]]> http://samvada.org/2009/news-analysis/%e0%b2%ae%e0%b2%82%e0%b2%97%e0%b2%b3%e0%b2%ae%e0%b2%af%e0%b2%b5%e0%b2%be%e0%b2%97%e0%b2%b2%e0%b2%bf-%e0%b2%9a%e0%b2%82%e0%b2%a6%e0%b3%8d%e0%b2%b0%e0%b2%af%e0%b2%be%e0%b2%a8/feed/ 0 http://samvada.org/2009/news-analysis/%e0%b2%aa%e0%b2%be%e0%b2%95%e0%b2%bf%e0%b2%b8%e0%b3%8d%e0%b2%a4%e0%b2%be%e0%b2%a8%e0%b2%a6-%e0%b2%a6%e0%b3%8d%e0%b2%b5%e0%b3%87%e0%b2%b7%e0%b2%a6-%e0%b2%95%e0%b3%82%e0%b2%b8%e0%b3%81-%e0%b2%8e/ http://samvada.org/2009/news-analysis/%e0%b2%aa%e0%b2%be%e0%b2%95%e0%b2%bf%e0%b2%b8%e0%b3%8d%e0%b2%a4%e0%b2%be%e0%b2%a8%e0%b2%a6-%e0%b2%a6%e0%b3%8d%e0%b2%b5%e0%b3%87%e0%b2%b7%e0%b2%a6-%e0%b2%95%e0%b3%82%e0%b2%b8%e0%b3%81-%e0%b2%8e/#comments Thu, 01 Jan 2009 14:50:01 +0000 Arun http://samvada.org/?p=70

ಪಾಕಿಸ್ತಾನವನ್ನು ದ್ವೇಷದ ಕೂಸು ಎಂದು ಕರೆಯಲಾಗುತ್ತದೆ. ಏಕೆಂದರೆ ಅದರ ಜನ್ಮದ ಗುಟ್ಟಿರುವುದೇ ಭಾರತ ದ್ವೇಷದಲ್ಲಿ. ಅದರ ಉಳಿವು ಸಹ ಅದರಲ್ಲಿಯೇ. ಅದಕ್ಕಾಗಿಯೇ ಅದು ಭಾರತದ ವಿರುದ್ಧ ಕಿಡಿ ಕಾರುತ್ತಲೇ ಒಂದಲ್ಲ ಒಂದು ಕುತಂತ್ರ ಹೂಡುತ್ತ ಬಂದಿದೆ. ಅಂತಹ ಪಾಕ್‌ನ ದ್ವೇಷದ ಮರಿ ಕೂಸು ಅದೇ  ’ಲಷ್ಕರ್ ಇ ತೊಯ್ಬಾ’ – ಎಲ್‌.ಇ.ಟಿ.

’ಲಷ್ಕರ್ ಇ ತೊಯ್ಬಾ’ ಎಂದರೆ ಶುದ್ಧರ ಸೈನ್ಯ. ಇದರ ಮುಖ್ಯಸ್ಥ ಝಕಿಯಾರ್ ರೆಹಮಾನ್‌ ಲಖ್ವಿ ಅಲಿಯಾಸ್‌ ’ಚಾಚಾಜಿ’. ಇವನೇ ಮುಂಬೈ ದಾಳಿಗಳನ್ನು ರೂಪಿಸಿ ಅದರ ಬೆನ್ನೆಲುಬಾಗಿ ನಿಂತವನು. ಭಾರತದಲ್ಲಿ ಎಲ್‌.ಇ.ಟಿ.ಕಾರ್ಯಾಚರಣೆಗಳನ್ನು ನಿಯಂತ್ರಿಸುತ್ತಿದ್ದಾನೆ. ಮುಂಬೈ ದಾಲಿಗಾಗಿ ೩೨ ಜನರ ಒಂದು ತಂಡ ರಚಿಸಲಾಗಿತ್ತು. ಅದರಲ್ಲಿ ೧೦ ಜನರ ಒಂದು ಗುಂಪನ್ನು ರಚಿಸಿ ಅದಕ್ಕೆ ಈಜು ಮತ್ತು ಸಮುದ್ರ ಸಂಬಂಧಿತ ಯಾಂತ್ರಿಕ ದೋಣಿ ಚಾಲನೆ ಮುಂತಾದ ತರಬೇತಿಗಳನ್ನು ಮೀನುಗಾರರ ಮೂಲಕ ನೀಡಿ ಅವರನ್ನು ಸಂಪೂರ್ಣವಾಗಿ ಸಾಗರ ಸಂಬಂಧಿತ ವಾತಾವರಣದಲ್ಲಿ ಉಳಿಸಲಾಯತು. ಅವರಾರಿಗೂ ಮುಂದಿನ ಕಾರ್ಯಾಚರಣೆಯ ವಿವರಗಳನ್ನು ತಿಳಿಸಿರಲಿಲ್ಲ. ಇದಕ್ಕಾಗಿ ಲಖ್ವಿ ೩ ತಿಂಗಳ ಕಾಲ ಕರಾಚಿಯಲ್ಲಿ ಬಿಡಾರ ಹೂಡಿ ಸೆಪ್ಟಂಬರ ೨೭ಕ್ಕೆ ಹೊರಡಬೇಕಾದ ತಂಡವು ಹೊರಡುವುದು ವಿಳಂಬಾದಾಗ ಅದು ನವೆಂಬರ್ ೨೭ಕ್ಕೆ ತಾನೇ ನಿಂತು ಅವರನ್ನು ಬೀಳ್ಕೊಟ್ಟಿದ್ದಾನೆ. ಮುಜಫ್ಫರಾಬಾದ್‌ ಬಳಿಯಿರುವ ಯಾರ ಗಮನ ಸೆಳೆಯದ ಶವಾಯಿ ನಾಲಾ ಎಂಬ ಗುಪ್ತಸ್ಥಳದಲ್ಲಿ ಈ ಸಂಚನ್ನು ರೂಪಿಸಲಾಯಿತು ಎಂದು ಹೇಳಲಾಗುತ್ತಿದೆ. ಹಿಮಾಲಯದ ತಪ್ಪಲು ಪ್ರದೇಶದಲ್ಲಿರುವ ಈ ಸ್ಥಳಲ್ಲಿ ಒಂದು ಮೂರಂತಸ್ತಿನ ಕಟ್ಟಡ ಒಂದು ಮಸೀದಿ ಮತ್ತು ಕೆಲವು ಸತಿ ಕೋಣೆಗಳಿವೆ.ಪಾಕಿಸ್ತಾನದ ವಿವಿಧ ನಗರಗಳಲ್ಲಿ ದೊಡ್ಡ ಅಂಗರಕ್ಷಕ ಪಡೆಯೊಂದಿಗೆ ನಾಲ್ಕಾರು ಎಸ್‌.ಯು.ವಿ.(ಸ್ಪೋರ್ಟ್ಸ್ ಯುಟಿಲಿಟಿ ವೆಹಿಕಲ್‌) ವಾಹನಗಳೊಂದಿಗೆ ಸುತ್ತುತ್ತಿರುವ ಅಮೀರ್ ಸಯೀದ್‌ ತನ್ನೆಲ್ಲ ಪ್ರಮುಖರೊಂದಿಗೆ ತುರಯಾ ಸೆಟಲೈಟ್‌ ಫೋನ್‌ಗಳನ್ನು ಬಳಸಿಕೊಂಡು ಮತ್ತು ಉಳಿದ ಸಹಚರರೊಂದಿಗೆ ವಿ.ಓ.ಐ.ಪಿ. (ಕಂಪ್ಯೂಟರ್ ಮೂಲಕ ಮಾತನಾಡಬಹುದಾದ ಮತ್ತು ಗುರುತಿಸಲು ಕಷ್ಟವಾದ) ಸೆಲ್‌ ಫೋನ್ ಗಳ ಮೂಲಕ ಸಂಪರ್ಕ ಇಟ್ಟುಕೊಂಡಿದ್ದಾನೆ. ಮುಂಬೈ ಹೋಟೆಲ್‌ಗಳಲ್ಲಿ ಭೀಕರ ಕದನ ನಡೆಯುವ ಸಂದರ್ಭಗಳಲ್ಲೂ ಅವನು ತನ್ನ ಸಹಚರರೊಂದಿಗೆ ಮಾತನಾಡಿದ್ದಾನೆ. ಎಲ್‌.ಇ.ಟಿ.ಯು ಅಲ್‌-ಖೈದಾದ ಒಂದು ಅಂತಾರಾಷ್ಟ್ರೀಯ ಅಂಗವಾಗಿದ್ದು ಭೀಕರ ಮಾನವ ಹತ್ಯೆಗಳಿಗೆ ಕುಖ್ಯಾತವಾಗಿದೆ. ಇದು ವಿವಿಧ ದೇಶಗಳಲ್ಲಿ ಕಾರ್ಯಾಚರಣೆ ನಡೆಸಿದ್ದರೂ ಕೂಡ, ಈ ಉಗ್ರರನ್ನು ಬಂಧಿಸಲು ಸಾಧ್ಯವಾಗಿಲ್ಲ.

೧೯೮೬ರಲ್ಲಿ ಬೇರೊಂದು ಹೆಸರಿನಲ್ಲಿ ಲಾಹೋರ ವಿಶ್ವವಿದ್ಯಾಲಯದ ಇಂಜಿನಿಯರಿಂಗ್‌ ಮತ್ತು ತಂತ್ರಜ್ಞಾನ ವಿಭಾಗದ ಪ್ರೊ.ಹಫೀಜ್‌ ಮಹಮದ್‌ ಸಯೀದ್‌ ಅವರಿಂದ ಪ್ರಾರಂಭವಾದ ಎಲ್‌.ಇ.ಟಿ., ಯ ಮೂಲ ಗುರಿ ಇದ್ದಿದ್ದು ಅಫ್ಘಾನಿಸ್ಥಾನದಲ್ಲಿ ನಡೆಯುತ್ತಿದ್ದ ರಶಿಯನ್ನರ ವಿರುದ್ಧದ ಕಾಳಗಕ್ಕೆ ಸೈನಿಕರನ್ನು ತರಬೇತುಗೊಳಿಸುವುದು. ನಿಧಾನವಾಗಿ ಅವರ ಗಮನ ಕಾಶ್ಮೀರದ ಕಡೆ ತಿರುಗಿತು. ನಿಧಾನವಾಗಿ ಪ್ರಬಲವಾದ ಇದು ಅರ್ಕತ್‌-ಉಲ್‌-ಮುಜಾಹಿದ್ದೀನ್‌ ಅನ್ನು ಹಿಂದೆ ಹಾಕಿ, ಅಧಿಕೃತವಾಗಿ ಐ.ಎಸ್‌.ಐ.ನ ಆಂತರಿಕ ಉಗ್ರರ ತಂಡವಾಯಿತು. ಅದರೊಂದಿಗೆ ಸರ್ಕಾರದ ಸಂಬಂಧ ಎಷ್ಟು ನಿಕಟವಾಗಿತ್ತೆಂದರೆ ಜನ ಅದರ ಸದಸ್ಯರನ್ನು ಸರ್ಕಾರಿ ಮುಜಾಹಿದ್‌ರು ಎಂದು ಕರೆಯುತ್ತಿದ್ದರು. ಕಂದಹಾರ್ ನಲ್ಲಿ ಐ.ಸಿ.೧೮೪ ವಿಮಾನ ಪ್ರಯಾಣಿಕ ಒತ್ತೆಯಾಳುಗಳಿಗೆ ಪ್ರತಿಯಾಗಿ ಬಿಡುಗಡೆಗೊಂಡ ಮೂವರು ಉಗ್ರರಲ್ಲಿ ಒಬ್ಬನಾದ ಮೌಲಾನ ಮಸೂದ್‌ ಅಜರ್ ಸ್ಥಾಪಿಸಿದ ಜೆಶ್-ಎ-ಮೊಹಮ್ಮದ್ ನಂತಲ್ಲದೇ ಎಲ್‌.ಇ.ಟಿ.ಯು ಅಲ್-ಖೈದಾದೊಂದಿಗೆ ಸಂಬಂಧಗಳನ್ನು ಸ್ಥಾಪಿಸಿಕೊಂಡಿತು. ಅದರಿಂದಾಗಿ ಅಮೇರಿಕ ಈಗ ಇಷ್ಟೊಂದು ಉಗ್ರವಾಗಿ ಮುಂಬೈ ಘಟನೆಯ ಬಗ್ಗೆ ಪ್ರತಿಕ್ರಿಯಿಸುತ್ತಿರುವುದು. ಅಮೇರಿಕನ್ನರಿಗೆ ತೊಂದರೆ ಕೊಡದಿರುವ ಕಾರಣಕ್ಕಾಗಿ ಎಲ್‌.ಇ.ಟಿ.ಯನ್ನು ವಿಸರ್ಜಿಸುವಂತೆ ಪಾಕಿಸ್ತಾನಕ್ಕೆ ಹೇಳಿರಲಿಲ್ಲ. ಆದರೆ ಮುಂಬೈ ಘಟನೆಯಲ್ಲಿ ಅಮೇರಿಕ ಅದನ್ನು ನಿಷೇಧಿಸುವಂತೆ ಹೇಳುತ್ತಿದೆ ಎನ್ನುತ್ತಾರೆ ಭಾರತೀಯ ಸೇನಾ ಪಡೆಗಳ ನಿವೃತ್ತ ಮುಖ್ಯಸ್ಥ ಜನರಲ್‌ ಮಲ್ಲಿಕ್‌.

ಇನ್ನಷ್ಟು ಸ್ಫೋಟಕ ವಿವರಗಳಿಗೆ ಓದಿ : ಇಂಡಿಯಾ ಟುಡೇ, ೨೨ ಡಿಸೆಂಬರ್,೨೦೦೮. ಪುಟ ೨೬

ಪ್ರತಿ ಬಾರಿ ಭಯೋತ್ಪಾದಕರ ದಾಳಿ ನಡೆದಾಗ ನಮ್ಮ ಸುರಕ್ಷಾ ಪಡೆಗಳ ಸಂಖ್ಯೆ ಶಕ್ತಿ ಸಾಮರ್ಥ್ಯಗಳ ಬಗ್ಗೆ ಚರ್ಚೆ ನಡೆಯುತ್ತದೆ. ಆದರೆ ಅಂತಹ ಸಂದರ್ಭಗಳಲ್ಲಿ ನಮ್ಮ ಜನಸಂಖ್ಯೆ, ದೇಶದ ವಿಶಾಲತೆ ಇವುಗಳನ್ನು ಮರೆತು ರಕ್ಷಣಾ ಪಡೆಗಳ ವೈಫಲ್ಯ, ಪೊಲೀಸ್ ನಿರ್ಲಕ್ಷ್ಯ ಮುಂತಾದ ಆಪಾದನೆಗಳು ಪುಂಖಾನುಪುಂಖವಾಗಿ ಹೊರಬೀಳುತ್ತವೆ. ಹವಾ ನಿಯಂತ್ರಿತ ವ್ಯವಸ್ಥೆಗಳಲ್ಲೆ ಇರುವ ರಾಜಕಾರಣಿಗಳು ತಮ್ಮ ದೌರ್ಬಲ್ಯವನ್ನು ಕೆಲವೊಮ್ಮೆ ಬಹಳ ಸುಲಭವಾಗಿ ನಮ್ಮ ರಕ್ಷಣಾತಂಡಗಳ ಮೇಲೆ ಆರೋಪ ಹೊರಿಸುತ್ತಾರೆ. ಆದರೆ ಈ ದೇಶದಲ್ಲಿ ಪೊಲೀಸ್ ಬಲ ಎಷ್ಟಿದೆ ? ಮುಂತಾದ ಕೆಲವು ಕುತೂಹಲಕಾರಿ ಅಂಕಿ ಅಂಶಗಳ ಇಲ್ಲಿವೆ.

ಭಾರತದಲ್ಲಿರುವ ಒಟ್ಟು ಪೊಲೀಸ್ ಜಿಲ್ಲೆಗಳು : ೬೦೫

ಒಟ್ಟು ಪೊಲೀಸ್ ಠಾಣೆಗಳು : ೧೧,೮೪೦

ಒಟ್ಟು ವಾರ್ಷಿಕ ಅಪರಾಧಗಳು : ೬೧ ಲಕ್ಷ

ಪ್ರತಿ ೧೦,೦೦೦ ಜನಸಂಖ್ಯೆಗೆ ಅಪರಾಧಗಳ ಸಂಖ್ಯೆ : ೬೩

ದೇಶದಲ್ಲಿರುವ ಒಟ್ಟು ಸಿವಿಲ್ ಪೊಲೀಸರ ಸಂಖ್ಯೆ : ೧೦,೧೨,೦೦೦

ಪೊಲೀಸ್ ಸಶಸ್ತ್ರ ಪಡೆಯ ಸಂಖ್ಯೆ : ೩,೬೩,೦೦೦

ಪ್ರತಿ ೧೦,೦೦೦ ಜನಸಂಖ್ಯೆಗೆ ಇರುವ ಪೊಲೀಸರು : ೧೪.೩

ಪ್ರತಿ ೧೦೦ ಕಿ.ಮೀ.ಗಳಿಗೆ ಇರುವ ಪೊಲೀಸರ ಸಂಖ್ಯೆ : ೪೩.೪೧

ದೇಶದಲ್ಲಿರುವ ಒಟ್ಟು ಮಹಿಳಾ ಪೊಲೀಸರ ಸಂಖ್ಯೆ : ೨೦,೫೦೦

ಪೊಲೀಸ್ ಇಲಾಖೆಯ ವಾರ್ಷಿಕ ಖರ್ಚು : ಒಟ್ಟು ರಾಷ್ಟ್ರೀಯ ಉತ್ಪನ್ನದ ೦.೬ %

ದೇಶದಲ್ಲಿರುವ ಅಪರಾಧ ತನಿಖಾ ಪ್ರಯೋಗಾಲಯಗಳು : ೧೦೫

ದೇಶದಲ್ಲಿರುವ ಪೊಲೀಸ್ ತರಬೇತಿ ಕೇಂದ್ರಗಳು : ೧೬೨

ಮಾಹಿತಿ ಮೂಲ:www. bprd.nic.in

ದೇಶದ ಸುರಕ್ಷತೆಯ ಹೊಣೆ ಕೇವಲ ಪೊಲೀಸ್ ಇಲಾಖೆ ಅಥವಾ ಇನ್ನಾವುದೇ ರಕ್ಷಣಾಪಡೆಗಳ ಮೇಲಿಲ್ಲ. ಸಮಾಜವು ತನ್ನ ರಕ್ಷಣೆಯನ್ನು ತಾನೂ ವಹಿಸಿಕೊಳ್ಳಬೇಕು. ಯಾವುದೇ ಒಂದು ವ್ಯವಸ್ಥೆ ಶಾಶ್ವತವಾದ ರಕ್ಷಣೆಯನ್ನು ನೀಡಲಾರದು. ಹಾಗಾಗಿ ಸಮಾಜ ತನ್ನ ಮೇಲಿನ ರಕ್ಷಣೆಯ ಹೊಣೆಯನ್ನು ಯಾವುದೋ ಇಲಾಖೆಯ ಮೇಲೆ ವಹಿಸಿ ಆರೋಪ ಹೊರಿಸುವ ರೀತಿ ತರವಲ್ಲ. ಸುರಕ್ಷಾ ಪಡೆ, ಯಾವುದೇ ಆಯುಧ, ಮೊಬೈಲ್, ಕಮ್ಯಾಂಡೋ ಪಡೆ ಇತ್ಯಾದಿ ಯಾವುದೂ ಶಾಶ್ವತವಾದ ರಕ್ಷಣೆಯನ್ನು ನೀಡಲಾರದು. ಪ್ರತಿಯೊಬ್ಬನ ಒಳಗಿನ ಧೈರ್ಯ ಅವನ ನಿರ್ಭಯತೆಗಳು ಮತ್ತು ಪರಿಸ್ಥಿತಿಯನ್ನು ನಿಭಾಯಿಸುವ ಕುಶಲತೆಗಳನ್ನು ತನ್ನ ನಿಜವಾದ ಆಸ್ತಿ ಎಂಬುದನ್ನು ಅರಿಯಬೇಕು.

ಇನ್ನು ಬೇಹುಗಾರಿಕೆ ವಿಭಾಗದ ವೈಫಲ್ಯ ಎನ್ನುವುದು ಇನ್ನೊಂದು ಗುರುತರ ಆಪಾದನೆಯನ್ನು ನಮ್ಮ ರಕ್ಷಣಾ ಪಡೆಗಳ ಮೇಲೆ ಹೋರಿಸಲಾಗುತ್ತದೆ. ನಿಜ, ಗುಪ್ತಚರ ಇಲಾಖೆಯಲ್ಲಿ ಸಾಕಷ್ಟು ಸುಧಾರಣೆಗಳಾಗಬೇಕು. ಅದು ವಿಶ್ವದ ಇಂದಿನ ಗುಣಮಟ್ಟಕ್ಕೆ ಇಲ್ಲ ಎಂಬುದು ನಿಜ. ಆಂತರಿಕವಾಗಿ ಅದು ತನ್ನ ವೃತ್ತಿಪರತೆಯನ್ನು ಹೆಚ್ಚಿಸಿಕೊಳ್ಳಬೇಕು ಎನ್ನುವುದರಲ್ಲಿ ಎರಡು ಮಾತಿಲ್ಲ. ಆದರೆ ಭಯೋತ್ಪಾದನೆಯ ಇಂದಿನ ದಿನಗಳಲ್ಲಿ ಸಮಾಜದಲ್ಲಿ ನಡೆಯುವ ಅನೇಕ ವಿದ್ಯಮಾನಗಳನ್ನು ಗಮನಿಸುವ ಸೂಕ್ಷ್ಮ ಕಣ್ಣುಗಳಿಂದ ಅರಿತು ಅದನ್ನು ದೇಶದ ರಕ್ಷಣಾ ದೃಷಟಿಯಿಂದ ಎಚ್ಚರಿಸುವ ಒಂದು ಸಹಜ, ಸಾಮೂಹಿಕ ಪ್ರಕ್ರಿಯೆಯು ಇಲ್ಲಿ ನಡೆಯಬೇಕಾಗಿದೆ. ಅದು ಒಬ್ಬ ಆಟೋ ಚಾಲಕನಿರಬಹುದು, ದಿನಸಿ ಅಥವಾ ಪಾನ್ ಅಂಗಡಿಯವನಾಗಿರಬಹುದು, ಬ್ಯಾಟರಿ ಅಥವಾ ಟೈರ್ ಪಂಚರ್ ಸರಿಪಡಿಸುವವನಿರಬಹುದು ಅಥವಾ ದೋಬಿ, ಕ್ಷೌರಿಕ ಯಾರೇ ಆಗಿರಲಿ ಒಂದು ಎಚ್ಚರಿಕೆಯ ಸ್ವಭಾವವನ್ನು ಬೆಳೆಸಿಕೊಳ್ಳಬೇಕಾದುದು ಇವತ್ತಿನ ಸನ್ನಿವೇಶದಲ್ಲಿ ಅನಿವಾರ್ಯ. ಇಂದು ಬಹಳ ಸೂಕ್ಷ್ಮ ಸ್ತರದಲ್ಲಿ ಕಾರ್ಯಾಚರಣೆ ನಡೆಸಿದ್ದಾರೆ. ಅವರ ಬೆಂಬಲ ನೀಡುವ ಸ್ಲೀಪರ್ ಸೆಲ್‌ಗಳು ಎಲ್ಲಿ ಹೇಗೆ ಅಡಗಿಕೊಂಡಿರುತ್ತವೆ ಎಂದು ಹೇಳುವುದು ಕಷ್ಟ. ಭಯೋತ್ಪಾದನೆ ನಿರ್ಮೂಲನೆಗೆ ಇರುವ ಅತಿ ದೊಡ್ಡ ಸವಾಲು ಇದೇ ಆಗಿದೆ.

-ಸಂವಾದ ಸಂಗ್ರಹ

– ಅರುಣ್ ಕುಮಾರ್

ಅಂದು ೨೬ ನವೆಂಬರ್, ರಾತ್ರಿ ೮.೪೫ರ ಸುಮಾರು. ಮುಂಬೈ ಕಡಲತೀರದಲ್ಲಿ ೧೦ ಯುವಕರು ಭಾರಿ ಬೆನ್ನು ಚೀಲಗಳೊಂದಿಗೆ ಹಳದಿ ಯಾಂತ್ರಿಕ ಬೋಟಿನಿಂದ ಇಳಿಯುತ್ತಾರೆ. ಇವರನ್ನು ಕಂಡ ಭರತ್ ತಾಮೋರ್ ಎಂಬ ಮೀನುಗಾರ ಕೋಲಿ ಜನಾಂಗಕ್ಕೆ ಸೇರಿದ ಯುವಕ ಹತ್ತಿರ ಹೋಗಿ ಮಾತನಾಡಿಸುತ್ತಾನೆ. ಆ ಯುವಕರ ಉತ್ತರ ಇಷ್ಟೇ, “ ಹಮ್ ಅಭಿ ಬಹುತ್ ಟೆನ್ಷನ್ ಮೇ ಹೈ, ಹಮೇ ಔರ್ ಟೆನ್ಷನ್ ನಹೀ ದೇನಾ” ಎಂದು ಅವಸರದಲ್ಲಿ ಹೆಜ್ಜೆ ಹಾಕಿ ನಾಲ್ಕಾರು ಗುಂಪುಗಳಲ್ಲಿ ಮಾಯವಾಗುತ್ತಾರೆ. ಭರತ್ ಪ್ರಕಾರ ಅವರ ಮುಖಗಳಲ್ಲಿ ಬಹಳ ಬಿಗಿ ಇತ್ತು, ಅವರು ಒತ್ತಡದಲ್ಲಿದ್ದರು ಎಂದು. ನಂತರ ಅವನೂ ತನ್ನ ಕೆಲಸಕ್ಕಾಗಿ ರಾತ್ರಿ ೧೦ಕ್ಕೆ ತಾಜ್ ಹೋಟೆಲ್‌ಗೆ ಹೋದಾಗ ಅಲ್ಲಿ ಕಂಡದ್ದು ಉಗ್ರರದಾಳಿ. ಬಹಳ ತಡವಾಗಿ, ಅವನಿಗೆ ತಾನು ಕಂಡ ಬಿಗಿ ಮುಖದ ಯುವಕರೇ ಉಗ್ರರಾಗಿದ್ದರು ಎಂಬುದು ತಿಳಿದಿದ್ದು. ಆದರೆ ಸಮಯ ಮಿಂಚಿ ಹೋಗಿತ್ತು.

ಕಡಲ ರಕ್ಷಕರ ಅಳಲು

ಅವನ ದುಃಖವೇನೆಂದರೆ ಮುಂಬೈ ನಗರವನ್ನು ತಲ್ಲಣಗೊಳಿಸಿದ ಉಗ್ರರರನ್ನು ತಾನು ತಡೆಯಬಹುದಿತ್ತೇ ? ನಿಜಕ್ಕೂ ಅವರ ಕರಾಳ ಮುಖದ ಅರಿವು ಅವನಿಗೆ ಅಲ್ಲಿಯೇ ಆಗಿದ್ದರೆ, ಖಂಡಿತಾ ತಾನು ಪ್ರಾಣ ಬಲಿಕೊಟ್ಟಾದರೂ ಅವರನ್ನು ತಡೆಯುತ್ತಿದ್ದೆ ಎನ್ನುತ್ತಾನೆ, ಬಹಳ ನೋವಿನಿಂದ. ಈ ನೋವು ಆ ಕಡಲತೀರದಲ್ಲೇ ವಾಸ ಮಾಡುತ್ತಾ, ಒಂದು ರೀತಿಯ ಅನಧಿಕೃತವಾಗಿ, ಆದರೆ ತಲೆಮಾರುಗಳಿಂದ ಕಡಲತೀರವನ್ನು ಕಾಯ್ದುಕೊಂಡು ಬಂದಿರುವ ಕೋಲಿ ಜನಾಂಗದ ಪ್ರತಿಯೊಬ್ಬರಿಗೆ ಈ ಬಗ್ಗೆ ನೋವಿದೆ. ಎಂದಿನಂತೆ ಆ ದಿನ ಕೋಲಿ ಯುವಕರು ಹರಟೆ ಹೊಡೆಯುತ್ತಾ ಕಡಲತೀರದಬಂಡೆಯ ಮೇಲೆ ಕುಳಿತಿರಲಿಲ್ಲ. ಭಾರತ-ಇಂಗ್ಲೆಂಡ್ ಕ್ರಿಕೆಟ್ ಪಂದ್ಯ ನೋಡುತ್ತಾ ಅವರವರ ಮನೆಗಳಲ್ಲಿದ್ದರು. ದಾಳಿಕೋರರು ಈ ಪ್ರದೇಶದಲ್ಲಿ ನಾಲ್ಕಾರು ಬಾರಿ ಸುತ್ತಾಡಿ ಎಲ್ಲವನ್ನು ಗಮನಿಸಿಕೊಂಡು ಹೋಗಿದ್ದಾರೆ ಎಂಬುದು ಅವರ ಹೇಳಿಕೆ. ೭೨೦ ಕಿ.ಮೀ.ಸುತ್ತಳತೆಯ ವಾಣಿಜ್ಯನಗರಿ ಮುಂಬೈ ಕಡಲತೀರವನ್ನು ಸದಾಕಾಲಕ್ಕೂ ಕಾಯ್ದುಕೊಳ್ಳುವುದು ಸುಲಭದ ಕೆಲಸವಲ್ಲ. ೧೯೯೩ರಲ್ಲೂ ಸ್ಫೋಟ ನಡೆಸಿದ ಉಗ್ರರು ಸಮುದ್ರಮಾರ್ಗದಿಂದಲೇ ಮುಂಬೈ ಪ್ರವೇಶಿಸಿದ್ದರು. ಆದರೆ ಮತ್ತೆ ಅದೇ ನಡೆಯಿತು. ತಲೆಮಾರುಗಳಿಂದ ಮುಂಬೈ ಕಡಲತಡಿಯಲ್ಲೇ ಹುಟ್ಟಿ ಬೆಳೆದು ವಾಸಿಸುತ್ತಿರುವ ಕೋಲಿ ಜನಾಂಗಕ್ಕಿಂತ ಬೇರೆ ಯಾರೂ ಸಹ ಈ ಕಡಲಿನ ಏರಿಳಿತಗಳನ್ನು, ವಿದ್ಯಮಾನಗಳನ್ನು ಬಲ್ಲವರಿಲ್ಲ. ಹಾಗಾಗಿ ತಮ್ಮ ಯುವಕರಿಗೆ ಸೂಕ್ತ ಶಸ್ತ್ರಾಸ್ತ್ರಗಳೊಂದಿಗೆ ತರಬೇತಿ ನೀಡಿ ಸಜ್ಜುಗೊಳಿಸಿದರೆ ಇಂತಹ ಅನಾಹುತಗಳನ್ನು ತಪ್ಪಿಸುವ ಹೊಣೆ ಹೋರುತ್ತೇವೆ ಎನ್ನುತ್ತಾರೆ ಕೋಲಿ ಪಂಗಡದ ಪ್ರಮುಖರು.

ದುಬಾರಿಯಾದ ಪ್ರಮುಖ ಪೊಲೀಸ್‌ರ ಸಾವು

ಮುಂಬೈ ನಗರದ ಮೇಲೆ ಎರಗಿದ ದಾಳಿಯ ಗಂಭೀರತೆಯನ್ನು ಅರಿತುಕೊಳ್ಳುವಲ್ಲಿ ತಡವಾದುದೇ ಪರಿಸ್ಥಿತಿ ಮಿತಿಮೀರಿ ಹೋಗಲು ಪ್ರಮುಖ ಕಾರಣ ಎನ್ನಬಹುದು. ಅದು ರಾಜ್ಯ ಸರ್ಕಾರದ ಪ್ರಮುಖರಿರಲಿ, ಪೋಲಿಸ್ ಅಧಿಕಾರಿಗಳಿರಲಿ, ದೆಹಲಿಯ ಆಡಳಿತ ಸೂತ್ರಧಾರರಿರಲಿ, ಎಲ್ಲರಿಂದಲೂ ಪರಿಸ್ಥಿತಿ ಕೈ ಮೀರಿಹೋಗಿದ್ದರಲ್ಲಿ ಪಾಲಿದೆ. ಮೊಲನೆಯದಾಗಿ ಈ ಘಟನೆಯನ್ನು ಪೊಲೀಸ್ ಇಲಾಖೆ ಗ್ರಹಿಸಿದ್ದು ಹೇಗೆ ? ಉಗ್ರರ ದಮನ ಪಡೆಯ ರಾಜ್ಯದ ಮುಖ್ಯಸ್ಥರಾಗಿದ್ದ ಹೇಮಂತ್ ಖರಖರೆಯವರು ಆರಂಭದಲ್ಲಿ ಇದನ್ನು ಮುಂಬೈ ರೌಡಿಗಳ ಹೊಡೆದಾಟ ಎಂದುಕೊಂಡರಂತೆ. ಅವರ ಕೈಯಲ್ಲಿದ್ದ ಸಿಬ್ಬಂದಿಯ ಸಂಖ್ಯೆಯು ಕೇವಲ ೩೫. (ಅವರಲ್ಲಿ ಹೆಚ್ಚಿನವರು ಮಾಲೇಗಾವ್‌ನ ಹಿಂದೂ ಉಗ್ರರ ತನಿಖೆಯಲ್ಲಿ ಉತ್ಸಾಹದಿಂದ ತೊಡಗಿದ್ದವರು) ಧುತ್ತೆಂದು ಎರಗಿ ಬಂದ ಈ ಉಗ್ರರ ದಾಳಿಯ ವಿರುದ್ಧ ಕಾರ್ಯಾಚರಣೆ ಮಾಡಲು ಅವರಿಗೆ ಬೇಕಾದ ಬಲವಾದ ಕಾನೂನಿನ ರಕ್ಷಣೆಯೂ ಇಲ್ಲ. ಅದೊಂದು ಹಲ್ಲಿಲ್ಲದ ತನಿಖಾ ತಂಡ. ಎ.ಟಿ.ಎಸ್ ಎಂಬುದು ರಚನೆಯಾಗಿದ್ದು ೨೦೦೪ರ ಜುಲೈ ೮ರಂದು. ಅದಕ್ಕೆ ಕೇವಲ ಉಗ್ರ ಅಪರಾಧಗಳ ತನಿಖಾ ತಂಡವಾಗಿ ಅಧಿಕಾರವಿದ್ದದ್ದು. ಅದಕ್ಕೆ ದಾಳಿ-ಪ್ರತಿದಾಳಿಗಳ ಗುಂಡೆಸೆಯುವ ಅಧಿಕಾರ ಬಹಳ ಸೀಮಿತವಾಗಿತ್ತು. ಅದಕ್ಕೆ ತಕ್ಕಂತೆ ಆ ವಿಭಾಗ ಸಜ್ಜುಗೊಂಡಿತ್ತು. ಅಚ್ಚರಿಯ ವಿದ್ಯಮಾನವೆಂದರೆ ಉಗ್ರರ ನಿಗ್ರಹ ದಳಕ್ಕೆ ನೀಡಲಾದ ಉಪಕರಣಗಳು ವಿಶೇಷವಾಗಿ ಖರ್ಖರೆಯವರು ಧರಿಸಿದ್ದ ಗುಂಡುನಿರೋಧಕ ಜಾಕೆಟ್ ಕಳಪೆ ಮಟ್ಟದ್ದು ಎಂಬುದು ಅವರ ಮರಣಾನಂತರ ಬೆಳಕಿಗೆ ಬಂದಿದ್ದು. ಒಬ್ಬ ಪ್ರಮುಖ ಅಧಿಕಾರಿಯ ಸಾವು ಈ ವಸ್ತುಗಳ ಗುಣಮಟ್ಟ ಕಂಡುಕೊಳ್ಳುವ ಪರೀಕ್ಷೆಯಾಗಿ ಪರಿಣಮಿಸಬೇಕೇ ? ಮೇಲಾಗಿ ಆಕ್ರಮಣವನ್ನು ಅಂದಾಜು ಮಾಡುವಲ್ಲಿ ಖರಖರೆಯರದು ತಪ್ಪಾಗಿದೆ. ಯಾವುದೇ ವಿಶೇಷ ಶಸ್ತ್ರಗಳಿಲ್ಲದೇ, ಸೂಕ್ತ ಮಾಹಿತಿಗಳಿಲ್ಲದೇ ಮೂರು ಜನ ಪ್ರಮುಖ ಅಧಿಕಾರಿಗಳು ಒಂದೇ ವಾಹನ, ಕಾಲಿಸ್ ಜೀಪಿನಲ್ಲಿ ಧಾವಿಸಿ, ಕುಳಿತ ಸ್ಥಿತಿಯಲ್ಲಿಯೇ ಉಗ್ರರ ಗುಂಡಿನ ಮಳೆಗೆ ಬಲಿಯಾದದ್ದು ಬಹಳ ಬೇಸರ ತರುವಂತಹದ್ದು. ಗಾಳಿಯಲ್ಲಿ ಗುಂಡು ಹಾರಿಸಿಕೊಂಡು ಹೋದಾಗ ಬೆದರಿ, ಶಸ್ತ್ರ ಕೈಚೆಲ್ಲಿ ಶರಣಾಗತರಾಗುವರನ್ನೇ ಕಂಡಿದ್ದ ಇವರಿಗೆ, ಪ್ರಾಣವನ್ನು ಲೆಕ್ಕಸದೇ ಎ.ಕೆ.೪೭ ಬಂದೂಕಿನಿಂದ ಗುಂಡಿನ ಬೆಂಕಿಯುಗುಳುತ್ತ ಮುಂದೆ ನುಗ್ಗಿದ್ದ ಉಗ್ರರ ರಕ್ಕಸರೂಪ ಅರ್ಥ ಆಗುವದರೊಳಗೇ ಎಲ್ಲವೂ ಮುಗಿದುಹೋಗಿತ್ತು. ಅವರು ಹೋರಾಡಲು, ತಮ್ಮ ಸಾಹಸ ಪ್ರದರ್ಶಿಸಲು ಪ್ರಾಣ ಉಳಿಸಿಕೊಳ್ಳಲು ಒಂದು ಸಣ್ಣ ಅವಕಾಶ ಕೂಡ ಸಿಗಲಿಲ್ಲ. ಅದು ಬಹಳ ದುಃಖ ತರುವಂತಹದ್ದು. ಯೋಧ ಅಥವಾ ಪೊಲೀಸ್ ಅಧಿಕಾರಿ ಹೋರಾಟದಲ್ಲಿ ಪ್ರಾಣ ಲೆಕ್ಕಿಸಲಾಗದು. ಆದರೆ ಇಲ್ಲಿ ಪರಿಸ್ಥಿತಿಯ ಸರಿಯಾದ ಅಂದಾಜು ಮಾಡದೆ ಹೋದದ್ದು ಮತ್ತು ಸ್ವಲ್ಪಮಟ್ಟಿನ ಹುಂಬತನ ಕೂಡ ಈ ಭಾರೀ ನಷ್ಟಕ್ಕೆ ಕಾರಣವಾಯಿತೇನೋ ಎಂಬುದು ಕೆಲವರ ಅನಿಸಿಕೆ. ಏನೇ ಆಗಲಿ, ಮುಂಬೈನ ಒಳಹೊರಗು ಎಲ್ಲವನ್ನು ನಿಖರವಾಗಿ ಬಲ್ಲ ಮೂರು ಜನ ಅನುಭವಿ ಪೊಲೀಸ್ ಅಧಿಕಾರಿಗಳ ಸಾವು ಆ ಗಳಿಗೆಯಲ್ಲಿ ಬಹಳ ದುಬಾರಿಯಾಗಿ ಕಾಡಿತು.

ಮಾಹಿತಿಗಳ ತೀರ್ವ ಕೊರತೆ

ತಾಜ್ ಮುಂತಾದ ಆಯಕಟ್ಟಿನ ತಾಣಗಳಲ್ಲಿ ಅಡಗಿ ಕುಳಿತ ಉಗ್ರರನ್ನು ಹೊರಹಾಕಲು ತಂತ್ರಗಳನ್ನು ರೂಪಿಸುವಾಗ ಬೇಕಾದ ಅಗತ್ಯ ನೆಲ ಅಂದಾಜು, ಅನುಭವಗಳ ಕೊರತೆ ಅಲ್ಲಿ ಉಂಟಾಗಿತ್ತು. ಇಂತಹ ವಿಷಮ ಸನ್ನಿವೇಷದಲ್ಲಿ ರಾಜ್ಯದ ರಕ್ಷಣೆಯ ಹೊಣೆ ಹೊತ್ತ ಗೃಹ ಸಚಿವ ನಡೆದುಕೊಂಡ ರೀತಿ ಒಬ್ಬ ಸಾಮಾನ್ಯ ಪೇದೆಗೂ ಅಪಮಾನ ತರುವ ರೀತಿಯದ್ದು. ಅಲ್ಲರೀ, ನೂರಾರು ವಿದೇಶಿಯರು ಸೇರಿದಂತೆ ೬೦೦ ಜನ ಉಗ್ರರ ಒತ್ತೆಯಾಳುಗಳಾಗಿ ೬೦ ಗಂಟೆಗಳ ಕಾಲ ಇದ್ದು ಒದ್ದಾಡಿ, ೧೭೦ ಜನ ಬಲಿಯಾಗಿ, ೨೦ ವೀರಯೋಧರು ಮಡಿದು, ಇಡೀ ದೇಶವೆ ಕಣ್ಬಿಟ್ಟು ನೋಡುತ್ತಿರುವ, ೫೦,೦೦೦ ಕೋಟಿ ರೂ.ಗಳ ನಷ್ಟವನ್ನು, ೧೦,೦೦೦ ಕೋಟಿ ರೂ.ಗಳ ವಿದೇಶಿವಿನಿಮಯವನ್ನು ಕಳೆದುಕೊಂಡು ಹೋದಾಗಲೂ ಅಯೋಗ್ಯ ಆರ್.ಆರ್.ಪಾಟೀಲ್ ನೀಡುವ ಹೇಳಿಕೆಯೇನು ? “ಮುಂಬೈಯಂತಹ ಭಾರೀ ನಗರಗಳಲ್ಲಿ ಇಂತಹ ಘಟನೆಗಳು ಆಗಾಗ್ಗೆ ನಡೆಯುತ್ತಿರುತ್ತವೆ” ಇಂತಹವರನ್ನು ರಾಜ್ಯದ ಗೃಹ ಮಂತ್ರಿ ಮಾಡಿರುವ ವ್ಯವಸ್ಥೆಯಿದೆಯಲ್ಲ ಅದರ ಬಗ್ಗೆ ನಮಗೆ ಕನಿಕರ ದುಃಖ ಎರಡೂ ಆಗುತ್ತವೆ. ಹೋಗಲಿ ಗೃಹ ಸಚಿವ ದಡ್ಡ ಎಂದು ಭಾವಿಸಿದಾಗಲೂ ಮುಖ್ಯಮಂತ್ರಿ ನಡೆದುಕೊಂಡ ರೀತಿ ಹೇಗಿತ್ತು ? ಕೇರಳ ಪ್ರವಾಸದಲ್ಲಿದ್ದ ಮಹಾರಾಷ್ಟ್ರದ ಮುಖ್ಯಮಂತ್ರಿಗೆ ರಾತ್ರಿ ೧೧.೩೦ಕ್ಕೆ ಪರಿಸ್ಥಿತಿಯ ಗಂಭೀರತೆಯ ಅರಿವು ಆಗಿ ಕೇಂದ್ರದಿಂದ ಎನ್.ಎಸ್.ಜಿ. ಕಮ್ಯಾಂಡೋ ಪಡೆ ತರಿಸಲು ಯೋಚನೆ ಬಂದಿದ್ದು. ಅದೂ ರಾಜ್ಯದ ಉಗ್ರ ದಮನ ಪಡೆಯ ಮುಖ್ಯಸ್ಥ ತೀರಿಹೋದ ಮೇಲೆ ಅರಿವಾಯಿತೇ ? ಕೇಂದ್ರ ಸರ್ಕಾರ ನಡೆದುಕೊಂಡ ರೀತಿ ಹೇಗಿತ್ತು ? ೨೬ರ ರಾತ್ರಿ ೯.೩೦ಕ್ಕೆ ದಾಳಿ ಆರಂಭವಾಗಿದ್ದರೆ, ಕೇಂದ್ರ ಮಂತ್ರಿಮಂಡಲದ ಎಂದಿನಂತೆ ಸಹಜ ಸಭೆ ಸೇರಿದ್ದು ಯಾವಾಗ ? ೨೭ರ ಮಧ್ಯಾಹ್ನ ೨ಕ್ಕೆ. ಆಗ ಪ್ರಧಾನಿ ಮನಮೋಹನ್‌ಜೀ ಅವರಿಗೆ ಇದರ ತೀವ್ರತೆಯೆಷ್ಟು ಎಂಬ ಅರಿವಾಗಿದ್ದು.

ವಿಳಂಬಕ್ಕೆ ಕಾರಣವಾದ ಅಧಿಕಾರಶಾಹಿ

ಇಂತಹ ಯಾವುದೇ ದಾಳಿ ಸಮಯದಲ್ಲಿ ಒಂದೊಂದು ಕ್ಷಣವೂ ಅಮೂಲ್ಯ. ಕೇವಲ ಅರ್ಧಗಂಟೆ ತಡವಾದರೂ ಸಾಕು, ಉಗ್ರರು ಆಯಕಟ್ಟಿನ ಸ್ಥಳಗಳನ್ನು ಹುಡುಕಿ ನೆಲೆಯೂರಿಬಿಡುತ್ತಾರೆ. ಅವರನ್ನು ನಂತರ ಅಲ್ಲಾಡಿಸುವುದು ಕಷ್ಟವಾಗುತ್ತದೆ. ಕೇಂದ್ರಕ್ಕೆ ಎನ್.ಎಸ್.ಜಿ. ಕಮ್ಯಾಂಡೋ ಸಹಾಯ ಕೇಳಿದ್ದು ಸುಮಾರು ರಾತ್ರಿ ೧೧.೩೦ಕ್ಕೆ. ನಮ್ಮ ಅಧಿಕಾರಶಾಹೀ ಆಡಳಿತದ ಕೆಂಪು ಪಟ್ಟಿಯ ಕಾರಣದಿಂದ ಅದು ತಲುಪಿದ್ದು ೧೦ಗಂಟೆ ತಡವಾಗಿ. ತಮಗೆ ಆದೇಶ ಬಂದಾಗ ನಡುರಾತ್ರಿಯಾದರೂ ಯೋಧರು ಕೆಲವೇ ನಿಮಿಷಗಳಲ್ಲಿ ಸಿದ್ಧರಾಗಿ ಕುಳಿತರು. ನಿದ್ದೆಗೆಟ್ಟು ಕಾದು ಕುಳಿತರು. ವಿಮಾನ ಹೊರಡಲಿಲ್ಲ. ಕ್ಷಣಗಳು ತಡವಾದಷ್ಟೂ ಬಲಿಯಾಗುವ ಯೋಧರ ಸಂಖ್ಯೆ ಹೆಚ್ಚುತ್ತದೆ. ಅಲ್ಲಿ ಕಾದಾಡಬೇಕಾದವರು, ಸಂದರ್ಭ ಬಂದಾಗ ಪ್ರಾಣ ಕೊಡಬೇಕಾದವರು ಇದೇ ಬಡಪಾಯಿ ಯೋಧರು. ಅಧಿಕಾರಶಾಹಿಗೆ ಏನು ಗೊತ್ತು ಪ್ರಾಣದ ಬೆಲೆ?

ಧೀರ ಯೋಧರು

ಇಲ್ಲಿ ಮೆಚ್ಚಬೇಕಾದ್ದು ಎನ್. ಎಸ್.ಜಿ. ಕಮ್ಯಾಂಡೋಗಳು ಕಾರ್ಯಾಚರಿಸಿದ ರೀತಿ. ತಾಜ್ ಹೋಟೆಲ್‌ನ ಒಟ್ಟು ನೆಲರಚನೆಯ ಚಿತ್ರ ಯಾರ ಬಳಿಯೂ ಇಲ್ಲ. ಅದಿರುವುದು ಉಗ್ರರ ಬಳಿ ಮಾತ್ರ. ಅದನ್ನು ಅವರು ಅಧಿಕೃತವಾಗಿ ಮಾಹಿತಿ ಹಕ್ಕು ಕಾಯಿದೆ ಅಡಿಯಲ್ಲಿ ಪಡೆದುಕೊಂಡಿದ್ದರಂತೆ. ಇದು ನಿಜಕ್ಕೂ ದುರಂತ. ತಾಜ್‌ನಂತಹ ಹೋಟೆಲ್‌ಗಳಲ್ಲಿ ಉಗ್ರರ ಗುಡಿಸುವಿಕೆ ಸುಲಭವಲ್ಲ ಎಂಬುದು ತಜ್ಞರ ಅಭಿಮತ. ಅಲ್ಲಿನ ರಚನೆ ಕಲಾತ್ಮಕವಾಗಿ ಕಂಡರೂ ಕಾರ್ಯಾಚರಣೆಗೆ ಕಷ್ಟವಂತೆ. ಒಂದೊಂದು ಕೋಣೆಗೆ ಹಲವಾರು ಬಾಗಿಲುಗಳು. ನಡು-ನಡುವೆ ಕಂಬಗಳು, ಕೆಲವೆಡೆ ವೃತ್ತಾಕಾರದ ರಚನೆಗಳು ಇವೆಲ್ಲಾ ಕಮ್ಯಾಂಡೋಗಳಿಗೆ ಸವಾಲಾಗಿದ್ದವು. ಉಗ್ರ ಮುಂದಿನಿಂದಲೇ ಎದುರಿಸಿ ಮುಗಿಸಬೇಕಾದ ಅನಿವಾರ್ಯತೆ ಈ ಕಾರ್ಯಾಚರಣೆಯಲ್ಲಿ ಕಂಡುಬಂದಿದ್ದು. ನಿಜಕ್ಕೂ ವೀರ ಯೋಧ ಸಂದೀಪ್ ಉನ್ನಿಕೃಷ್ಣನ್ ಪಾತ್ರವನ್ನು ಇಲ್ಲಿ ಮೆಚ್ಚಲೇಬೇಕು. ಈ ಸಂಕೀರ್ಣ ರಚನೆಯ ಕಟ್ಟಡದಲ್ಲಿ ೬೦೦ ಜನ ಒತ್ತೆಯಾಳುಗಳನ್ನು ಸರ್ವಸಜ್ಜಿತ ಭಯೋತ್ಪಾದಕರ ತೆಕ್ಕೆಯಿಂದ ಹೊರತರುವುದು ಕೇವಲ ಎನ್.ಎಸ್.ಜಿ. ಪಡೆಗಲ್ಲ, ದೇಶದ ಸುರಕ್ಷಾ ಪಡೆಗಳ ಗೌರವದ ಪ್ರಶ್ನೆ ಆಗಿತ್ತು. ಆ ಕಠಿಣ ಪರಿಸ್ಥಿತಿಯಲ್ಲಿ ಸಮತೋಲನ ಕಳೆದುಕೊಳ್ಳದೇ ಜೀವವನ್ನು ಪಣಕ್ಕಿಟ್ಟು ಹೋರಾಡುವುದನ್ನು ಕೊನೆಯ ಓವರಿನಲ್ಲಿ ಪಂದ್ಯ ಗೆಲ್ಲಿಸಿಕೊಡುವ ಒತ್ತಡಕ್ಕೆ ಹೋಲಿಸಲಾಗದು. ಅಂತಹ ಕ್ಷಣದಲ್ಲಿ ತನ್ನ ಕಮ್ಯಾಂಡೋ ಬಳಗವನ್ನು ಸೂಕ್ತವಾಗಿ ಯೋಚಿಸಿ, ಯೋಜಿಸಿ, ಪ್ರೇರೇಪಿಸಿ, ಪ್ರತಿಯೊಬ್ಬನಿಗೂ ತನ್ನ ಪಾಲಿನ ಕೆಲಸವನ್ನು ಹಂಚಿಕೊಟ್ಟು, ಪ್ರತ್ಯಕ್ಷ ಕಾರ್ಯಾಚರಣೆಗೆ ಧುಮುಕಿ ತಾನೇ ಸ್ವತಃ ನೂರಕ್ಕಿಂತ ಹೆಚ್ಚು ಜನರನ್ನು ಉಪಾಯವಾಗಿ ಹೊರಗೆ ಕಳುಹಿಸಿ, ಉಗ್ರರ ಗುಂಡಿಗೆ ಬಲಿಯಾದ ವೀರ ಯೋಧ ಸಂದೀಪ್ ಉನ್ನಿಕೃಷ್ಣನ್ ಅವರ ಕಾರ್ಯ ಸದಾ ನೆನಪಿಡುವಂತಹದ್ದು.

ಸ್ವಾರ್ಥಿ ರಾಜಕಾರಣಿಗಳು

ಭಯೋತ್ಪಾದನೆಯ ವಿರುದ್ಧ ತೀವ್ರ ವಾಗ್ದಾಳಿ ನಡೆಸುವ ಬಿಜೆಪಿಯಿಂದ ಆರಂಭಗೊಂಡು ಎಲ್ಲ ರಾಜಕೀಯ ಪಕ್ಷಗಳು ಮುಂಬೈ ಸ್ಫೋಟದ ವಿಷಯದಲ್ಲಿ ಬಟ್ಟ ಬಯಲಾಗಿವೆ. ಉಗ್ರರ ಗುಂಡಿಗೆ ಬಲಿಯಾದ ಹೇಮಂತ್ ಖರಖರೆಯವರ ಕುಟುಂಬಕ್ಕೆ ಒಂದು ಕೋಟಿ ರೂ. ನೀಡುವುದಾಗಿ ಮೋದಿ ಘೋಷಿಸಿದ್ದನ್ನು ಅವರ ಕುಟುಂಬ ತಿರಸ್ಕರಿಸಿದಾಗ ಪೆಚ್ಚಾದದ್ದು ಮೋದಿಯವರೇ. ಸ್ವಲ್ಪ ನಿಧಾನಿಸಿ, ಕಸಬ್ ಎಂಬ ಉಗ್ರನನ್ನು ತನ್ನ ಪ್ರಾಣ ಹೋದರೂ ಹಿಡಿದುಕೊಂಡು ಬಂಧಿಸಲು ಕಾರಣರಾದ ಒಂಬಾಳೆಯವರಿಗೆ ನಿಜಕ್ಕೂ ಅಂತಹ ಗೌರವ ನೀಡಬಹುದಾಗಿತ್ತು. ಒಂದು ದೃಷ್ಟಿಯಲ್ಲಿ ಇನ್ಸ್ ಪೆಕ್ಟರ್ ಒಂಬಾಳೆಯವರ ಸಾವು ಸಾರ್ಥಕ. ಈಗ ಮುಂಬೈ ದಾಳಿಯ ತನಿಖೆಯಲ್ಲಿ ಸಿಗುತ್ತಿರುವ ಎಲ್ಲ ಅಂಶಗಳು ಕಸಬ್ ಹೊರಹಾಕಿದ್ದೇ. ಇಷ್ಟೊಂದು ಸಾವು ನೋವಿನ ನಂತರವೂ ಒಬ್ಬ ಭಯೋತ್ಪಾದಕನೂ ಸಿಕ್ಕದೇ ಹೋಗಿದ್ದಲ್ಲಿ ಅದೊಂದು ದೇಶಕ್ಕೆ ಅಪಮಾನಕರ ಸ್ಥಿತಿ ಆಗಿರುತ್ತಿತ್ತು. ಇನ್ನು ದೆಹಲಿಯ ಚುನಾವಣೆ ಪಲಿತಾಂಶ ಹೊರಬೀಳುತ್ತಿದ್ದಂತೆ ’ಮುಂಬೈ ಘಟನೆ ಇನ್ನು ಹತ್ತು ದಿನ ಮೊದಲೇ ಆಗಿರಬೇಕಿತ್ತು’ ಅಂತ ಯಾರೋ ಬಿಜೆಪಿಯವರು ಹೇಳಿದರು ಎಂಬ ವರದಿ ಇತ್ತು. ನಿಜಕ್ಕೂ ಅದಾಗಿದ್ದರೆ, ಅದು ಬಹಳ ಖೇದಕರ. ಭಯೋತ್ಪಾದನೆಯನ್ನು ನಿಗ್ರಹಿಸುವಲ್ಲಿ ವಿಳಂಬ ಮಾಡುತ್ತಿರುವ ಮುಸ್ಲಿಂ ತುಷ್ಟೀಕರಣದ ರಾಜನೀತಿಗಿಂತ ಇದು ಹೆಚ್ಚು ಅಪಾಯಕಾರಿಯಾದ ಬೆಳವಣಿಗೆ.

ಇನ್ನು ಕಾಂಗ್ರೆಸ್ ಯುವ ನೇತಾರ ಭವಿಷ್ಯದ ಕಣ್ಮಣಿ ರಾಹುಲ್ ಗಾಂಧಿಯವರು ಮುಂಬೈ ಘಟನೆ ನಡೆದ ಇಡೀ ರಾತ್ರಿ ಎಚ್ಚರವಾಗಿದ್ದರಂತೆ. ಒತ್ತೆಯಾಳುಗಳಿಗೆ ಏನಾಯಿತೋ ಎಂಬ ಆತಂಕದಿಂದ ಅಲ್ಲ. ಗೆಳೆಯನ ಮದುವೆಯ ಪಾರ್ಟಿಯಲ್ಲಿ ಬೆಳಗಿನ ಜಾವ ೫ಗಂಟೆಯವರೆಗೆ ಆನಂದವಾಗಿ ಕಾಲ ಕಳೆದರು ಎನ್ನುತ್ತದೆ ಮುಂಬೈನ ಟ್ಯಾಬ್ಲಾಯ್ಡ್ ಪತ್ರಿಕೆಯೊಂದು.

ಇನ್ನು ಮೃತರಾದ ಯೋಧರನ್ನು ನಡೆಸಿಕೊಂಡ ರೀತಿ ಹೇಗಿತ್ತು ? ಒಲಂಪಿಕ್ ಕ್ರೀಡೆಯಲ್ಲಿ ಶೂಟಿಂಗ್ ನಡೆಸಿ ಪದಕ ತಂದ ಕ್ರೀಡಾಪಟುವಿಗೆ ೩ ಕೋಟಿ, ನಿಜ ಜೀವನದಲ್ಲಿ ದೇಶಕ್ಕಾಗಿ ಪ್ರಾಣ ನೀಡಿದ ಮಾಡಿದ ಶೂಟರ್ ಗೆ ೫ ಲಕ್ಷ. ಇದು ಯೋಧರ ಬಗ್ಗೆ ನಾವು ಕೊಡುವ ಗೌರವವೇ ಎಂಬ ಒಂದು ಇ-ಮೇಲ್ ಎಲ್ಲ ಕಡೆ ಪ್ರಸರಣಗೊಳ್ಳುತ್ತಿದೆ. ನಿಜಕ್ಕೂ ನಮಗೆ ಆ ಬಗ್ಗೆ ಗಮನವಿಲ್ಲ. ಮುಂಬೈಗೆ ಆವರಿಸಿದ್ದ ಆತಂಕವನ್ನು ತಡೆದು ಎಲ್ಲ ಉಗ್ರರ ನಾಶ ಮಾಡಿ ಹೊರಬಂದ ಎನ್.ಎಸ್.ಜಿ. ಕಮ್ಯಾಂಡೋಗಳನ್ನು ಮುಂಬೈ ಜನ ಭಾವುಕರಾಗಿ ಬೀಳ್ಕೊಟ್ಟರು. ಆದರೆ ಅವರನ್ನು ವಾಪಾಸು ಕೊಂಡೊಯ್ಯಲು ಸರಿಯಾದ ವ್ಯವಸ್ಥೆ ಇರಲಿಲ್ಲ. ಕೊನೆಗೆ ವೀರ ಯೋಧರನ್ನು ಅತ್ಯಂತ ಸಾಮಾನ್ಯವಾದ ಮುಂಬೈ ಸಾರಿಗೆಯ ಕೆಂಪು ಬಸ್‌ನಲ್ಲಿ ಎನ್.ಎಸ್.ಜಿ. ಕಮ್ಯಾಂಡೋಗಳನ್ನು ಕಳುಹಿಸಿಕೊಟ್ಟಿದ್ದು. ಮೋಜು, ದುಡ್ಡು, ಕೀರ್ತಿಗಾಗಿ ಆಡುವ ನಮ್ಮ ಕ್ರಿಕೆಟ್ ಕಲಿಗಳನ್ನು ಬೀಳ್ಕೊಡುವುದು ಹವಾನಿಯಂತ್ರಿತ ವಿಶೇಷ ಬಸ್ಸುಗಳಲ್ಲಿ. ಸಾಮಾನ್ಯ ದಿನಗಳಲ್ಲಿ ಇದು ವಿಶೇಷ ಎನಿಸುವುದಿಲ್ಲ. ಆದರೆ ಇಂತಹ ಸಂದರ್ಭಗಳಲ್ಲಿ ಜನ ಇದನ್ನು ಗಮನಿಸುತ್ತಾರೆ. ಹೀಗೆ ಹೆಜ್ಜೆ ಹೆಜ್ಜೆಗೆ ನಮ್ಮ ನಿಲುವು-ನೀತಿ, ದೌರ್ಬಲ್ಯಗಳು ಮುಂಬೈ ಘಟನೆಗಳಲ್ಲಿ ಹೊರಬಿದ್ದಿವೆ.

ಪರಿಸ್ಥಿತಿಯ ದುರ್ಬಳಕೆ

ಮಹಾರಾಷ್ಟ್ರದ ಮುಖ್ಯಮಂತ್ರಿ ವಿಲಾಸ್‌ರಾವ್ ದೇಶಮುಖ್ ಘಟನಾ ಸ್ಥಳಕ್ಕೆ ಭೇಟಿ ನೀಡಿದ ರೀತಿ ವಿಶೇಷ ಟೀಕೆಗೆ ಗುರಿಯಾಯಿತು. ತಮ್ಮ ಮಗ ನಟ ರಿತೇಶ್ ಜೊತೆಗೆ ಚಿತ್ರ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರನ್ನು ಕರೆದೊಯ್ದಿದ್ದರು. ಇದರ ರಾಮ್ ಗೋಪಾಲ್ ವರ್ಮಾ ಅವರಿಗೆ ಮುಂಬೈ ದಾಳಿಯ ಘಟನೆಯ ಮೂಲಕ ಒಂದು ಸಿನೆಮಾ ವಿಷಯ ವಸ್ತು ಸಿಕ್ಕಂತಾಯಿತು ಎಂಬುದು ಆಕ್ಷೇಪಕ್ಕೆ ಕಾರಣ. ಇದು ಈಗ ರಹಸ್ಯವೇನಲ್ಲ. ವಿಕಿಪಿಡಿಯಾದಲ್ಲಿ ರಾಮ್ ಗೋಪಾಲ ವರ್ಮಾ ಪುಟಗಳಲ್ಲಿ ’ದಿ ಶೂಟ್ ಔಟ್ ಅಟ್ ಮುಂಬೈ’ ಎಂಬ ಚಲನಚಿತ್ರದ ಹೆಸರನ್ನು ಉಲ್ಲೇಖಿಸಲಾಗಿದೆ. ಎಂತಹ ದುರಂತ ನೋಡಿ. ಇನ್ನೊಬ್ಬರ ಮನೆಗೆ ಹತ್ತಿದ ಬೆಂಕಿಯಲ್ಲಿ ಬೀಡಿ ಸೇದುವವರು ಇವರು.

ದೆಹಲಿಯಲ್ಲಿ ಕೇಂದ್ರ ಮಂತ್ರಿ ಮಂಡಲ ಸಭೆಯಲ್ಲಿ ಮುಖ್ಯಮಂತ್ರಿ ವಿಲಾಸರಾವ್ ದೇಶ್‌ಮುಖ್ ಘಟನೆಯ ವಿವರಗಳನ್ನು ತಿಳಿಸುವಾಗ ಪ್ರತಿ ಅಂಕಿ ಅಂಶವನ್ನು ಪ್ರಧಾನಿ ಮನಮೋಹನರು ತಿದ್ದಿ ಹೇಳುತ್ತಿದ್ದರಂತೆ. ಮುಖ್ಯಮಂತ್ರಿಗಿಂತ ಪ್ರಧಾನಿಗೆ ಘಟನೆಯ ತಾಜಾ ಮಾಹಿತಿ ಹೆಚ್ಚು ನಿಖರವಾಗಿ ಗೊತ್ತಿತ್ತು. ದೇಶಮುಖ್ ರಾಜೀನಾಮೆ ಪಡೆಯಲು ಇಂತಹ ಬೇಜವಾಬ್ದಾರಿ ಪ್ರವೃತ್ತಿ ಕಾರಣವಾಗಿದೆ.

ಸಲ್ಲದ ನಡವಳಿಕೆ

ಅಚ್ಯುತಾನಂದರದ್ದು ಇನ್ನೊಂದು ರೀತಿಯ ಅಸಹನೀಯ ನಡವಳಿಕೆ. ಅವರು ಹುತಾತ್ಮ ಮೇಜರ್ ಸಂದೀಪ್ ಉನ್ನಿಕೃಷ್ಣನ್‌ರ ಕುಟುಂಬಕ್ಕೆ ಸಾಂತ್ವನ ಹೇಳಲು ಬಂದಿದ್ದು ಸ್ವಯಂಪ್ರೇರಿತರಾಗಿ ಅಲ್ಲ. ಮೂರು ದಿನ ಕಳೆದ ಮೇಲೆ ಅನೇಕ ಕಡೆಗಳಿಂದ ಒತ್ತಡಗಳು ಬಂದ ನಂತರ ಬೆಂಗಳೂರಿಗೆ ಧಾವಿಸಿದ್ದು. ಪುತ್ರ ಶೋಕದ ಒತ್ತಡದಲ್ಲಿದ್ದ ಸಂದೀಪ್‌ರ ತಂದೆ ಉನ್ನಿಕೃಷ್ಣನ್‌ರು ಬಾಗಿಲು ಹಾಕಿ ಮುಖ್ಯಮಂತ್ರಿ ಭೇಟಿಗೆ ನಿರಾಕರಿಸಿದರು. ಅದೇನೇ ಕಾರಣವಿರಲಿ, ಉನ್ನಕೃಷ್ಣನ್ ಆ ರೀತಿ ಮಾಡಬಾರದಿತ್ತು. ಆದರೆ ಅದಕ್ಕಿಂತ ಕೀಳಾಗಿ ಆದ ಘಟನೆಯನ್ನು ತಮ್ಮ ವೈಯಕ್ತಿಕ ನೆಲೆಯಲ್ಲಿ ಒಂದು ಅಪಮಾನೆಂದು ಪರಿಗಣಿಸಿದ ಮುಖ್ಯಮಂತ್ರಿ ಅಚ್ಯುತಾನಂದರು ’ತಾನಲ್ಲದಿದ್ದರೆ ಆ ಮನೆಗೆ ನಾಯಿಯೂ ಹೋಗುತ್ತಿರಲಿಲ್ಲ’ ಎಂಬ ಮಾತುಗಳನ್ನು ಆಡಿದರು. ಇದು ಕೇರಳ ಆದಿಯಾಗಿ ಇಡೀ ದೇಶದಲ್ಲಿ ಆಕ್ರೋಶ ನಿರ್ಮಾಣಕ್ಕೆ ಕಾರಣವಾಯಿತು. ಕೊನೆಗೆ ಮುಖ್ಯಮಂತ್ರಿ ಅಚ್ಯುತಾನಂದರು ವಿಷಾದ ವ್ಯಕ್ತಪಡಿಸಬೇಕಾಯಿತು. ಒಂದೆಡೆ ಮಹಾರಾಷ್ಟ್ರ ಮುಖ್ಯಮಂತ್ರಿ ವಿಲಾಸ್ ರಾವ್ ದೇಶ್‌ಮುಖ್, ಇನ್ನೊಂದೆಡೆ ಗೃಹಸಚಿವ ಆರ್.ಆರ್.ಪಾಟೀಲ್, ಮತ್ತೊಂದು ಕಡೆ ಕೇರಳದ ಮುಖ್ಯಮಂತ್ರಿ ಅಚ್ಯುತಾನಂದರು ಎಲ್ಲರೂ ದುಡುಕಿದ ಹೇಳಿಕೆ ನಡವಳಿಕೆಗಳಿಂದ ಜನರ ಕೋಪಕ್ಕೆ ಬಲಿಯಾದರು. ಪಾಪ, ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಇವರ ಸಣ್ಣತನಕ್ಕೆ ಇನ್ನೂ ಕುಬ್ಜರಾಗಿ ನಿಲ್ಲಬೇಕಾಯಿತು.

ಉಗ್ರರಿಗೆ ಮತವಿಲ್ಲವೇ ?

ಇನ್ನೊಂದು ವಿಚಿತ್ರ ಘಟನೆಯನ್ನು ಅಂಕಣಕಾರ ಎಸ್. ಗುರುಮೂರ್ತಿ ಬರೆದಿದ್ದಾರೆ. ಉಗ್ರರಿಗೆ ಯಾವುದೇ ಮತ-ಧರ್ಮವಿಲ್ಲ ಎಂದು ಹೇಳುತ್ತಾರೆ. ಇದು ಮುಸ್ಲಿಂ ಉಗ್ರರ ವಿಷಯ ಬಂದಾಗ ಮಾತ್ರ. ಒಂದೆಡೆ ಬಾಂಬ್ ಸ್ಫೋಟಕ್ಕೆ ಹಿಂದುಗಳು ಕಾರಣರೆಂಬ ಒಂದೆರಡು ಮೇಲ್ನೋಟದ ಸುಳಿವು ದೊರೆತ ಕೂಡಲೇ; ಇನ್ನೂ ಅದು ತನಿಖೆಯಾಗಿ, ವಿಚಾರಣೆ ಮುಗಿದು ತೀರ್ಪು ಬರುವ ಮೊದಲೇ ಹಿಂದು ಉಗ್ರನಾಗಿಹೋಗಿತ್ತು. ಆದರೆ ಮುಂಬೈ ದಾಳಿಯ ಸಮಯದಲ್ಲಿ ತಾಜ್ ಹೋಟೆಲಿನಿಂದ ಹೊರಬರುತ್ತಿದ್ದ ಟರ್ಕಿಯ ಮುಸ್ಲಿಮರನ್ನು ಉಗ್ರರು ಕಿಂಚಿತ್ತೂ ತೊಂದರೆ ಮಾಡದೆ ಹೊರಗೆ ಕಳುಹಿಸಿಕೊಟ್ಟರಂತೆ. ಇದನ್ನು ಇಸ್ಲಾಮಿಕ್ ಭಯೋತ್ಪಾದನೆ ಎನ್ನಲು ಇದಕ್ಕಿಂತ ನಗ್ನ ಚಿತ್ರ ಇನ್ನೊಂದು ಬೇಕೇ ? ಅಂದರೆ ಮುಸ್ಲಿಮರ ಜೀವಕ್ಕೆ ಮಾತ್ರ ಬೆಲೆ. ಉಳಿದ ಮತೀಯರು ಮುಸ್ಲಿಂ ಉಗ್ರರಿಗೆ ಬಲಿಯಾಗಬೇಕೆಂದು ಹರಕೆ ಹೊತ್ತ ಕುರಿಗಳೇ ? ಈ ಘಟನೆ ಕುರಿತಂತೆ ಯಾಕೆ ಯಾವುದೇ ಮುಸ್ಲಿಂ ಆಗಲಿ, ಅಥವಾ ಬುದ್ಧಿಜೀವಿಯಾಗಲಿ ಖಂಡಿಸಲಿಲ್ಲ. ಇಂತಹ ನಡವಳಿಕೆಗಳು ನಿಶ್ಚಿತವಾಗಿ ಇಸ್ಲಾಂ ಮತಕ್ಕೆ ಅಪಾಯ ತರುವಂತಹವು. ಯಾವುದೇ ಮತ-ಸಂಪ್ರದಾಯ ಜೀವ ವಿರೋಧಿಯಾಗಿರಲು ಸಾಧ್ಯವಿಲ್ಲ. ಮಾನವ ವಿರೋಧಿಯಾಗಿ ನಡೆಯಲು ಅಸಾಧ್ಯ. ಏಕೆಂದರೆ ಈ ಜೀವಿಗಳನ್ನು, ಮಾನವನನ್ನು ಸೃಷ್ಟಿಸಿದವನು ಅವನೇ. ಅವನನ್ನು ಮೀರಿ ಯಾವುದೇ ಮತದ ಹೆಸರಲ್ಲಿ ಜನರ ಹತ್ಯೆಯನ್ನು ಅವನು ಸಹಿಸಲಾರ.

ವಿಳಂಬವಾದ ವಿವೇಕ

ಈ ವಿಚಾರ ಸ್ವಲ್ಪ ತಡವಾಗಿಯಾದರೂ, ಕೆಲವು ಕಡೆಯಾದರೂ ಅರ್ಥವಾಗಿ ಮುಸ್ಲಿಮರು ಈ ಬಾರಿ ಮುಂಬೈ ದಾಳಿಯನ್ನು ಖಂಡಿಸಿ ಬೀದಿಗೆ ಇಳಿದಿದ್ದು ಕಾಣುತ್ತಿತ್ತು. ಬಕ್ರಿದ್ ಹಬ್ಬವನ್ನು ಕೆಲವೆಡೆ ಕಪ್ಪು ಬಟ್ಟೆ ಕಟ್ಟಿಕೊಂಡು ಆಚರಿಸಿದ್ದಾರೆ. ಸತ್ತ ಉಗ್ರರ ಶವಗಳನ್ನು ಹೂಳಲು ತಮ್ಮ ಖಬ್ರಸ್ಥಾನಗಳಲ್ಲಿ ಅವಕಾಶ ನೀಡದೆ ಇರುವುದು, ಮುಸ್ಲಿಮ್ ಮಹಿಳೆಯರು ಸೇರಿದಂತೆ ಕೆಲವು ಮೌಲ್ವಿಗಳ ಭಾಗವಹಿಸಿದ್ದ ಪ್ರತಿಭಟನೆಗಳು ವ್ಯಕ್ತವಾದವು. ಸೆರೆ ಸಿಕ್ಕಿರುವ ಉಗ್ರ ಕಸಬ್‌ನ ಪರ ವಕಾಲತ್ತು ವಹಿಸಲು ಯಾವುದೇ ಮುಸ್ಲಿಂ ವಕೀಲ ಮುಂದೆ ಬರದಿರುವುದು. ಈ ಎಲ್ಲ ಬೆಳವಣಿಗೆಗಳು ಒಳ್ಳೆಯ ಸಂಕೇತಗಳಾದರೂ ಕೂಡಾ ಅವು ಎಷ್ಟು ಪ್ರಾಮಾಣಿಕ ಎಂಬುದನ್ನು ಸಿದ್ಧಪಡಿಸುವ ಹೊಣೆ ಅದೇ ಮುಸ್ಲಿಂ ಸಮಾಜಕ್ಕೆ ಸೇರಿದ್ದು. ಇದು ಪರಿಸ್ಥಿತಿಯ ಅನಿವಾರ್ಯತೆಯ ಕಾರಣದಿಂದ ಎಂಬ ಮಾತೂ ಇದೆ. ಏಕೆಂದರೆ ಮುಂಬೈ ಉಗ್ರರ ದಾಳಿಯ ನಂತರ ಸಾಮಾನ್ಯ ಜನರ ಆಕ್ರೋಶ ಹೆಚ್ಚಿದೆ. ನಿಧಾನವಾಗಿ ಮುಸ್ಲಿಂ ಸಮಾಜ ತನ್ನ ಇದ್ದ ಸಹಾನುಭೂತಿಯನ್ನು ಉಳಿದ ದೇಶಬಾಂಧವರಲ್ಲಿ ಕಳೆದುಕೊಳ್ಳುತ್ತಿದ್ದಾರೆ. ಈಗ ಮುಸ್ಲಿಂ ಸಮಾಜದಲ್ಲಿ ಎದ್ದಿರುವ ಕಳಕಳಿಯು ಎಷ್ಟು ಆಳದ್ದು ಮತ್ತು ಅವರ ಒಳಗಿನ ಹಿಂಸಾ ಸಮರ್ಥಕ ಶಕ್ತಿಗಳು ಈ ದೇಶಹಿತಕಾರೀ ಬೆಳವಣಿಗೆಗಳನ್ನು ಹೇಗೆ ನೋಡುತ್ತವೆ ಎಂಬುದು ಸಹ ಈಗ ಮುಖ್ಯವಾಗುತ್ತದೆ.

ಮಾಧ್ಯಮಗಳ ವಿಕೃತಿ

ಮುಂಬೈ ಘಟನೆಯ ಸಂದರ್ಭದಲ್ಲಿ ಎಲ್ಲರಿಗೆ ನಷ್ಟವಾಯಿತು ಎಂದು ಭಾವಿಸಿದರೂ ಪತ್ರಿಕೆಗಳ ಪ್ರಸಾರಕ್ಕೆ ಮತ್ತು ಟಿ.ವಿ.ಚಾನೆಲ್‌ಗಳ ಟಿ.ಆರ್.ಪಿ. (ಟೆಲಿವಿಷನ್ ರೇಟಿಂಗ್ ಪಾಯಿಂಟ್)ಗೆ ಲಾಭವಾಯಿತು. ಎನ್‌ಡಿಟಿವಿ ೨೪x೭ ಚ್ಯಾನೆಲ್ ಒಟ್ಟು ಪ್ರಸಾರದ ೩೦% ವೀಕ್ಷಕರನ್ನು ಗಳಿಸಿಕೊಂಡರೆ, ೨೮% ವೀಕ್ಷಕರನ್ನು ಟೈಮ್ಸ್ ನೌ ಒಲಿಸಿಕೊಂಡಿತ್ತು. ಆದರೆ ಈ ಗಂಭೀರ ಸನ್ನಿವೇಶವನ್ನು ಮಾಧ್ಯಮಗಳು ಹೇಗೆ ಸ್ವೀಕರಿಸಿದವು ಎನ್ನುವದನ್ನು ವಿವರಿಸಲು ನಾಚಿಕೆಯಾಗುತ್ತದೆ. ಒತ್ತೆಯಾಳುಗಳಾಗಿದ್ದವರು ಹೊರಬರುತ್ತಿರುವಾಗ ಟಿ.ವಿ.ಚಾನೆಲ್‌ನ ಪತ್ರಕರ್ತನೊಬ್ಬ ಮೈಕ್ ಹಿಡಿದು ” ಈ ಪರಿಸ್ಥಿತಿಯಲ್ಲಿ ನಿಮ್ಮ ಗಂಡ ಸಿಕ್ಕಿ ಹಾಕಿಕೊಂಡಿದ್ದಾರೆ ಎಂದಿದ್ದರೆ ತಮಗೆ ಈಗ ಏನೆನ್ನಿಸುತ್ತಿತ್ತು ಹೇಳಿ” ಎಂದು ಕೇಳಿದರೆ ಹೇಗೆ? ಅದಿರಲಿ, ಅದಕ್ಕೂ ಮುಂದೆ ಹೋಗಿ ” ಬೇಗ ಹೇಳಿ, ನನ್ನ ವಾರ್ತೆಯ ಸಮಯವಾಗುತ್ತಿದೆ”. ಇದು ಯಾವ ಸೀಮೆಯ ಮಾಧ್ಯಮ ಪ್ರವೃತ್ತಿ? ನಮ್ಮ ಉತ್ಸಾಹಿ ಕ್ಯಾಮರಾಮೆನ್ ಮತ್ತು ಚಾನೆಲ್ ಪತ್ರಕರ್ತರು ನಾರಿಮನ್ ಕಟ್ಟಡದ ಮೇಲೆ ಹೆಲಿಕಾಪ್ಟರ್ ಸುತ್ತುವುದನ್ನು, ಆಯಕಟ್ಟಿನ ಸ್ಥಳಕ್ಕೆ ಯೋಧರು ಅದರಿಂದ ಇಳಿಯುವುದನ್ನು ನಿರಂತರ ತೋರಿಸುತ್ತಿದ್ದರು. ಇದನ್ನು ತಾಜ್ ಹೋಟೆಲ್ ಒಳಗಿನಿಂದ ವೀಕ್ಷಸುತ್ತಿದ್ದ ಉಗ್ರರು ಎಚ್ಚರಗೊಳ್ಳುತ್ತಿದ್ದರು ಎನ್ನಲಾಗಿದೆ. ಎನ್.ಎಸ್.ಜಿ ಪಡೆಗಳ ಕಾರ್ಯತಂತ್ರವು ಒಳಗಿನ ಉಗ್ರರಿಗೆ ಚಾನೆಲ್ ಪ್ರಸಾರದ ಮೂಲಕ ರವಾನೆಯಾಗುತಿತ್ತು.

ತಾನು ಮೊದಲು ಪ್ರಸಾರ ಮಾಡಿದೆ ಎಂಬ ಕೀರ್ತಿಗೆ ಪಾತ್ರನಾಗಲು ಸಿಎನ್ನೆನ್-ಐಬಿಎನ್ ಸಂಪಾದಕ ರಾಜದೀಪ್ ಸರ್ದೇಸಾಯಿ ಒಂದು ದುಡುಕಿನ ಸುದ್ದಿ ಭಿತ್ತರಿಸಿದರು.” ಛತ್ರಪತಿ ಶಿವಾಜಿ ಟರ್ಮಿನಸ್‌ನಲ್ಲಿ ಮತ್ತೆ ಹೊಸದಾಗಿ ಗುಂಡಿನ ಚಕಮಕಿ”. ಅದು ಸುಳ್ಳು ಎಂದು ತಿಳಿಯಲು ಬಹಳ ಹೊತ್ತು ಹಿಡಿಯಲಿಲ್ಲ. ಆದರೆ ಆ ಅಕ್ಷಮ್ಯ ತಪ್ಪಿಗೆ ಸರ್ದೇಸಾಯಿ ಕೂಡಲೇ ಕ್ಷಮೆ ಕೇಳಬೇಕಿತ್ತು. ಕೆಲ ದಿನಗಳ ನಂತರ ಕೇಳಿದ್ದು ಬೇರೆ ಮಾತು. (ಅದಾದ ಕೆಲವೇ ದಿನಗಳಲ್ಲಿ ದೇಶದ ಎಡಿಟರ್‍ಸ್ ಗಿಲ್ಡ್ ಗೆ ಅಧ್ಯಕ್ಷ ಪಟ್ಟದ ಜವಾಬ್ದಾರಿಯುತ ಸ್ಥಾನ ಅಲಂಕರಿಸಿದರು, ಸರ್ದೇಸಾಯಿ.) ಈ ಪ್ರವೃತ್ತಿ ಮಾಧ್ಯಮಗಳ ಗೌರವವನ್ನು ನಾಶ ಮಾಡೀತು. ಮಾಧ್ಯಮಗಳು ವಿಘ್ನಸಂತೋಷಿಗಳು ಎಂಬ ಆಪಾದನೆಗೆ ಒಳಗಾಗಬೇಕಾದೀತು ಎಂಬ ಎಚ್ಚರ ಎಲ್ಲ ಪತ್ರಕರ್ತರಿಗಿರಬೇಕು. ಅದಕ್ಕಾಗಿ ಸೂಕ್ತ ತರಬೇತಿ ಮತ್ತು ವೀಕ್ಷಕರ ವಿಮರ್ಶೆಗಳು ಅತ್ಯವಶ್ಯಕ.

ಒಟ್ಟಾರೆ ಮುಂಬೈ ದಾಳಿಗೆ ನೂರಾರು ಪ್ರಾಣಗಳು ಬಲಿಯಾಗಿದ್ದರ ಜೊತೆಗೆ ಅದು ಕೆಲವು ಪಾಠಗಳನ್ನು ಕಲಿಸಿದೆ. ಆ ನೀತಿಗಳನ್ನು ಎಷ್ಟರ ಮಟ್ಟಿಗೆ ಉಪಯೋಗಿಸಿಕೊಂಡು ಮುಂದಿನ ದಿನಗಳಲ್ಲಿ ಇಂತಹ ದಾಳಿ ನಡೆಯದಂತೆ; ಅಕಸ್ಮಾತ್ ನಡೆದಾಗ ಹೇಗೆ ಪ್ರತಿಕ್ರಿಯಿಸುತ್ತೇವೆ ಎಂಬುದನ್ನು ಭವಿಷ್ಯದಲ್ಲಿ ಕಾದು ನೋಡಬೇಕಾಗಿದೆ.

೨೬/೧೧ರ ನಂತರದ ಪರಿಣಾಮಗಳು

· ಸುಮಾರು ೫೦,೦೦೦ ಕೋಟಿ ರೂ. ವ್ಯಾಪಾರದಲ್ಲಿ ನಷ್ಟ.

· ಸುಮಾರು ೧೦,೦೦೦ಕೋಟಿ ರೂ. ವಿದೇಶೀ ವಿನಿಮಯದ ನಷ್ಟ.

· ತಾಜ್, ಟ್ರಿಡೆಂಟ್, ಒಬೇರಾಯಿ ಹೋಟೆಲ್ ದುರಸ್ತಿಗೆ ೬೪೦ ಕೋಟಿ ರೂ.

· ದೆಹಲಿ ಮತ್ತು ಮುಂಬೈ ಹೋಟೆಲ್‌ಗಳಲ್ಲಿ ೧೫ರಿಂದ ೧೮,೦೦೦ ಐಷಾರಾಮಿ ಹೊಟೆಲ್ ಕೋಣೆಗಳು ಖಾಲಿ.

· ಸಿಕ್ಕಿ ಹಾಕಿಕೊಂಡ ಪಾಕ್. ಪಾಕಿಸ್ತಾನವು ಮುಂಬೈ ದಾಳಿಯ ಸಂಚು ರೂಪಿಸಿತ್ತು ಎಂಬ ಬಲವಾದ ಸಾಕ್ಷ್ಯಗಳು

ಅಮೇರಿಕದ ಬಳಿ.

· ಅಮೇರಿಕದ ಮಾಜಿ ಗೃಹ ಕಾರ್ಯದರ್ಶಿ ಆಲ್‌ಬ್ರೆಟ್ ಪ್ರಕಾರ ಪಾಕ್‌ಗೆ ’ಅಂತಾರಾಷ್ಟ್ರೀಯ ಮೈಗ್ರೇನ್’ ಎಂಬ ಪಟ್ಟ.

· ಭಾರತವು ಉಗ್ರರ ಪೀಡೆಯಿಂದ ಪ್ರವಾಸಿಗಳಿಗೆ ಅಪಾಯಕಾರಿ ತಾಣ ಎಂಬ ೨೦ ದೇಶಗಳ ಪಟ್ಟಿಗೆ ಸೇರ್ಪಡೆ.

· ಪಾಕಿಸ್ಥಾನಕ್ಕೆ ’ಅಂತಾರಾಷ್ಟ್ರೀಯ ಪೀಡೆ’ ಎಂಬ ಬಿರುದು.

· ಉಗ್ರರನ್ನು ದಮನಗೊಳಿಸಲು ಅಮೇರಿಕದ ಇನ್ನಿಲ್ಲದ ಒತ್ತಡ.

· ಪೋಟದ ಇನ್ನೊಂದು ರೂಪದ ಕಾನೂನು ರಚನೆಯ ಘೋಷಣೆ.ರಾಷ್ಟ್ರೀಯ ತನಿಖಾ ತಂಡದ ರಚನೆ.

]]> http://samvada.org/2008/news-analysis/%e0%b2%ae%e0%b3%81%e0%b2%82%e0%b2%ac%e0%b3%88-%e0%b2%b8%e0%b3%8d%e0%b2%ab%e0%b3%8b%e0%b2%9f%e0%b2%a6-%e0%b2%92%e0%b2%b3%e0%b2%a8%e0%b3%8b%e0%b2%9f%e0%b2%97%e0%b2%b3%e0%b3%81/feed/ 1