RSS Karnataka’s mouthpiece ‘Pungava’‘s reader’s meet has been organised at Kasaragod on February 12th, Sunday, 2012. Details are mentioned below.
ಕಾಸರಗೋಡಿನಲ್ಲಿ ಪುಂಗವ ಓದುಗರ ಸಮಾವೇಶ
ರಾಷ್ಟ್ರೀಯ ವಿಚಾರಗಳನ್ನು ಹೊತ್ತು ತರುತ್ತಿರುವ ಪುಂಗವ ಪತ್ರಿಕೆಗೆ ಇದೀಗ 33ರ ಹರೆಯ. ಕಳೆದ 3 ದಶಕಗಳಲ್ಲಿ ಕಾಸರಗೋಡು ಸೇರಿದಂತೆ12 ಸಾವಿರ ಹಳ್ಳಿಗಳಲ್ಲಿ 60 ಸಾವಿರ ಓದುಗರನ್ನು ಹೊಂದಿರುವ ಪುಂಗವ, ರಾಷ್ಟ್ರ ಜೀವನವನ್ನು ಪ್ರಭಾವಿಸುವ ಸುದ್ದಿ- ವಿದ್ಯಮಾನಗಳು, ಲೇಖನ-ವಿಶ್ಲೇಷಣೆಗಳ ಮೂಲಕ ತನ್ನ ಓದುಗ ಬಳಗವನ್ನು ತಿಂಗಳಿಗೆ ಎರಡು ಬಾರಿ ತಲುಪುತ್ತಿದೆ.
ಇದೀಗ ಕಾಸರಗೋಡು ಜಿಲ್ಲೆಯ ಪುಂಗವ ಓದುಗರಿಗೊಂದು ಸಂತಸದ ಸುದ್ದಿ.
ಫೆಬ್ರವರಿ 12 ರ ಭಾನುವಾರದಂದು ಕಾಸರಗೋಡು ಜಿಲ್ಲೆಯ ಪುಂಗವ ಓದುಗರ ಸಮಾವೇಶವೊಂದನ್ನು ಆಯೋಜಿಸಲಾಗಿದೆ. ಬೆಳಗ್ಗೆ 10ರಿಂದ 12 ರ ತನಕ ಕಾಸರಗೋಡು ನಗರದಲ್ಲಿ ಹಾಗೂ ಸಂಜೆ 3.30 ರಿಂದ 6 ರ ತನಕ ಮಂಜೇಶ್ವರ ಬಳಿಯ ಹೊಸಂಗಡಿಯಲ್ಲಿ ಪ್ರತ್ಯೇಕವಾಗಿ ಈ ಓದುಗರ ಸಮಾವೇಶಗಳು ನಡೆಯಲಿವೆ. ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಮುಖ ಪದಾಧಿಕಾರಿಗಳು, ಪುಂಗವ ಸಂಪಾದಕೀಯ ಮಂಡಳಿಯ ಸದಸ್ಯರು, ಆಹ್ವಾನಿತ ಇತರ ಪ್ರಮುಖರೂ ಈ ಸಮಾವೇಶದಲ್ಲಿ ಪಾಲ್ಗೊಳ್ಳಲಿದ್ದಾರೆ.
ನಿಮಗೆ ಈ ಕಾರ್ಯಕ್ರಮಕ್ಕೆ ಹಾರ್ದಿಕ ಸ್ವಾಗತ. ಮನೆಯ ಬಂಧುಗಳೊಂದಿಗೆ, ಸಮಾನ ಮನಸ್ಕ ಗೆಳೆಯರೊಂದಿಗೆ ಕಾರ್ಯಕ್ರಮಕ್ಕೆ ಬನ್ನಿ.
-ಸಂಚಾಲನ ಸಮಿತಿ
ಪುಂಗವ ಓದುಗರ ಬಳಗ , ಕಾಸರಗೋಡು
ಸಂಪರ್ಕ: ಶಂಕರನಾರಾಯಣ ಕಿದೂರು 09495460619,, ಪುಂಡರೀಕಾಕ್ಷ 09495460277
