ನನ್ನ ಹೆಸರಿನ ಮುಂದೆ “ಡಾಕ್ಟರ್” ಹಾಕಬೇಡಿ. ಏಕೆಂದರೆ…|ಜಗದ್ಗುರು ಶ್ರೀ ಶಾಂತವೀರ ಸ್ವಾಮೀಜಿ
ನನ್ನ ಹೆಸರಿನ ಮುಂದೆ ಡಾಕ್ಟರ್ ಎನ್ನುವ ಪದ ಸೇರಿಸಬೇಡಿ ಎಂದು ಅಖಿಲ ಕುಂಚಟಿಗ ಮಹಾಸಂಸ್ಥಾನ ಮಠದ ಶ್ರೀಗಳಾದ ಜಗದ್ಗುರು ಶ್ರೀ ಶಾಂತವೀರ ಸ್ವಾಮಿಜಿ ವಿನಂತಿಸಿಕೊಂಡಿದ್ದಾರೆ. ಅದಕ್ಕೆ ಶ್ರೀಗಳು ನೀಡಿರುವ ಕಾರಣ “ ಇತ್ತೀಚೆಗೆ ಹತ್ತ ಸಾವಿರಕ್ಕೆ ಇಪ್ಪತ್ತು ಸಾವಿರಕ್ಕೆ ತರಕಾರಿಯಂತೆ ಬೀದಿ ಬದಿಯಲ್ಲಿ ಡಾಕ್ಟರೇಟ್ ಪದವಿಗಳು ಮಾರಾಟವಾಗುತ್ತಿವೆ, ಕೊಂಡುಕೊಳ್ಳುತ್ತಿದ್ದಾರೆ. ಇದೊಂದು ಅಸಹ್ಯಕರವಾದಂತಹ ಬೆಳವಣಿಗೆ. ಸ್ವಾಮಿಗಳಾಗಿ ಎರಡು ಮೂರು ವರ್ಷಕ್ಕೆ ಡಾಕ್ಟರೇಟ್ ಪದವಿ ಪಡೆಯಲು ಹೇಗೆ ಸಾಧ್ಯ ? ಡಾಕ್ಟರೇಟ್ ಪದವಿಗಳು ಬಿಕರಿಯಾಗುತ್ತಿರುವ ಕಾರಣ ನೈಜವಾಗಿ ಅಧ್ಯಯನ ನಡೆಸಿ ಪದವಿ ಪಡೆದವರನ್ನೂ ಅದೇ ದೃಷ್ಟಿಕೋನದಲ್ಲಿ ನೋಡುತ್ತಿದ್ದಾರೆ ಎಂಬ ಕಾರಣದಿಂದ ಶ್ರೀಗಳು ತಮ್ಮ ಹೆಸರಿನ ಮಂದೆ ಡಾಕ್ಟರ್ ಸೇರಿಸದಿರಲು ನಿರ್ಧರಿಸಿದ್ದಾರೆ.
